Admietna, što jaje dačka Kaciaryna Białan taksama pracuje sudździoj.
55‑hadovaja namieśnica staršyni Frunzienskaha suda Minska Julija Bliźniuk stała sudździoj Minskaha haradskoha suda. Adpaviedny ŭkaz padpisaŭ Alaksandr Łukašenka.
Łahistyčna dla sudździ mała što pamianiałasia, bo abiedźvie ŭstanovy znachodziacca faktyčna ŭ adnym budynku.
Julija Bliźniuk znachodzicca pad sankcyjami za aktyŭny ŭdzieł u palityčnym pieraśledzie biełarusaŭ. Jana asudziła dziasiatki čałaviek pa palityčnych kryminałkach, jašče dziasiatki čałaviek adpraŭlała na sutki pa administratyŭnych pratakołach.
Štrafavała Paŭła Sieviarynca jašče ŭ 2016-m, davała 10 sutak za bieł-čyrvona-biełyja štory ŭ 2020-m, sadžała na 2 hady za nadpis «Nie zabudziem» na plitcy i 5 hadoŭ tym, chto adbivaŭ ludziej u siłavikoŭ.
U Julii Bliźniuk dźvie dački. 20‑hadovaja Nastaśsia vyvučyłasia na śledčuju, a voś 35‑hadovaja Kaciaryna pajšła ŭ sudździ, jak i maci.
Kaciaryna Białan (proźvišča ŭ šlubie) z 2021 hoda pracuje ŭ Pieršamajskim rajonnym sudzie Minska. U bazie pravaabaroncaŭ niama infarmacyi pra jaje ŭdzieł u palityčnych pracesach.
Muž Kaciaryny i, adpaviedna, ziać Julii — 35‑hadovy Dźmitryj Białan. Apošniaja jaho viadomaja pasada — druhi sakratar Centralnaha rajonnaha kamiteta BRSM.
Kamientary