Vaskrasienski: Novym kiraŭnikom Biełarusi stanie Raman Hałoŭčanka
Juryj Vaskrasienski, udzielnik sustrečy Alaksandra Łukašenki z palitviaźniami, adčuvaje siabie rok-zorkaj — uhavorvaje ŚMI ŭziać u jaho intervju. Bolšaść biełaruskich miedyja admaŭlajecca, ale žurnalist rasijskaj «Kamsamolskaj praŭdy» Uładzimir Varsobin pahadziŭsia.
Voś novyja pryznańni Vaskrasienskaha. U kožnaj novaj hutarcy padrabiaznaści sustrečy z Łukašenkam u SIZA stanoviacca ŭsio bolš malaŭničymi.
***
Potym jany (Łukašenka i Cichanoŭski) pierajšli na dziaciej. Prezident jamu kaža: A čaho ty maich dziaciej abzyvaŭ va ŭsich rolikach? Ja tvaich ža nie abzyvaju. Što dzieci maje tabie zrabili?
***
Jon adkazaŭ: «Ja daju vam słova, što heta moj apošni termin. Ja klanusia svaimi dziećmi». Heta cytata. Tamu luby moža zaraz pisać papraŭki. Ciapier pa abłaściach buduć zaprašać usich apazicyjanieraŭ.
***
— Ale jak moža čałaviek pad śledstvam pisać Kanstytucyju? Dy jašče razam z tymi, chto jaho tudy pasadziŭ?!
— Nu, pasadziŭ, vypuściŭ, ničoha strašnaha. Ja žyvy-zdarovy. Usie palityčnyja, chto vychodzić ź SIZA, razhladajuć svaje terminy jak ačyščeńnie.
***
— Ale vy ž razumiejecie, što hałasavańnie pa Kanstytucyi arhanizujuć tyja ž ludzi, što praviali vybary. Davieru da ich u naroda niama. Jaki sens?
— My zadali hetaje pytańnie prezidentu. Jon skazaŭ, što ŭ vybarkamy buduć dapuščanyja ŭsie, chto zachoča. Što jon maksimalna raźličvaje na lehitymnaść hałasavańnia, jak miarkujecca, u krasaviku 2021-ha.
***
— Jak biełaruskija ŭłady płanujuć vyjści z kryzisu? Jaki płan?
— Listapad-śniežań — vypracoŭka novaj Kanstytucyi. Heta ŭsio možna pravieści hałasavańniem u takich ŚMI, jak «Sovietskaja Biełoruśsija», «Komsomolskaja pravda». A viasnoj — refierendum. Novaja kanstytucyja budzie dziejničać z nastupnaj vosieni.
— A chto budzie premjeram, da jakoha piarojdzie vialikaja častka paŭnamoctvaŭ?
— Ciapier heta Raman Hałoŭčanka.
— Jon stanie faktyčna kiraŭnikom dziaržavy?
— Tak.
Ciapier čytajuć
Muzyka Cim Suładze: Roźnica 30 hadoŭ — toje, što adpaviadaje maim ujaŭleńniam pra adnosiny36
Kamientary