Ryhor Azaronak i Ludmiła Hładkaja vyjhrali konkurs «Załaty zubr»
Užo čaćviorty raz Biełaruski sajuz žurnalistaŭ i intehracyjnaja supolnaść žurnalistaŭ Rasii i Biełarusi «Druźja-Siabry» ładziać konkurs «Załaty zubr» dla tych, chto piša pra Sajuznuju dziaržavu.
Konkurs jašče praciahvajecca, poŭny śpis pieramožcaŭ nieviadomy, ale papiarednie ŭ spravie aśviatleńnia «intehracyjnaha budavańnia i humanitarnaj supracy pamiž dźviuma krainami i narodami» byli adznačanyja čatyry asoby.
Siarod ich — Ryhor Azaronak z STB, jakoha ŭznaharodzili ŭ naminacyi «Za tryvałaść u prafiesii», Ludmiła Hładkaja z «SB»: jana adznačanaja «Za mužnaść u žurnalistycy». A taksama Siarhiej Biaspały («Homielskaja praŭda») i Alena Radoŭskaja («Babrujskaje žyćcie»). Pieršy prymaŭ vinšavańni ŭ suviazi z «bieskampramisnaj redakcyjnaj palitykaj».
U 2020 hodzie Ryhor Azaronak staŭ viadomy jak aŭtar prapahandysckich siužetaŭ i rasśledvańniaŭ. Ën nie curajecca ŭ efiry vykarystoŭvać u adras biełarusaŭ takija aznačeńni, jak «bajaźlivyja šakały», «miarzoŭcy», «fašysty» i hetak dalej. Ludmiła Hładkaja ž viadzie letapis mirnych akcyj. U jaje artykułach pastajanna fihuruje to stralba z mahutnych rahatak, to kruhłyja kamiani, jakija «łamajuć» siłavikoŭ.
Staršynia Biełaruskaha sajuza žurnalistaŭ Andrej Kryvašejeŭ raspavioŭ «Našaj Nivie», što ŭsie žurnalisty atrymali dypłomy, załatuju emblemu braterstva — załatoha zubra i nievialikuju hrašovuju premiju. «Ludzi sapraŭdy zrabili šmat i dla biełaruskaj, i dla sajuznaj žurnalistyki», — prakamientavaŭ jon.
Poŭny śpis pieramožcaŭ konkursu pavinien być viadomy da kanca hoda.
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Ciapier čytajuć
Maryna Adamovič apublikavała novyja FOTY Mikoły Statkieviča4
Kamientary