Рыгор Азаронак і Людміла Гладкая выйгралі конкурс «Залаты зубр»
Ужо чацвёрты раз Беларускі саюз журналістаў і інтэграцыйная супольнасць журналістаў Расіі і Беларусі «Друзья-Сябры» ладзяць конкурс «Залаты зубр» для тых, хто піша пра Саюзную дзяржаву.
Конкурс яшчэ працягваецца, поўны спіс пераможцаў невядомы, але папярэдне ў справе асвятлення «інтэграцыйнага будавання і гуманітарнай супрацы паміж дзвюма краінамі і народамі» былі адзначаныя чатыры асобы.
Сярод іх — Рыгор Азаронак з СТБ, якога ўзнагародзілі ў намінацыі «За трываласць у прафесіі», Людміла Гладкая з «СБ»: яна адзначаная «За мужнасць у журналістыцы». А таксама Сяргей Бяспалы («Гомельская праўда») і Алена Радоўская («Бабруйскае жыцце»). Першы прымаў віншаванні ў сувязі з «бескампраміснай рэдакцыйнай палітыкай».
У 2020 годзе Рыгор Азаронак стаў вядомы як аўтар прапагандысцкіх сюжэтаў і расследванняў. Ëн не цураецца ў эфіры выкарыстоўваць у адрас беларусаў такія азначэнні, як «баязлівыя шакалы», «мярзоўцы», «фашысты» і гэтак далей. Людміла Гладкая ж вядзе летапіс мірных акцый. У яе артыкулах пастаянна фігуруе то стральба з магутных рагатак, то круглыя камяні, якія «ламаюць» сілавікоў.
Старшыня Беларускага саюза журналістаў Андрэй Крывашэеў распавёў «Нашай Ніве», што ўсе журналісты атрымалі дыпломы, залатую эмблему братэрства — залатога зубра і невялікую грашовую прэмію. «Людзі сапраўды зрабілі шмат і для беларускай, і для саюзнай журналістыкі», — пракаментаваў ён.
Поўны спіс пераможцаў конкурсу павінен быць вядомы да канца года.
23‑гадовага афіцэра брыгады спецназа асудзілі на 19 гадоў за «здраду дзяржаве»17
23‑гадовага афіцэра брыгады спецназа асудзілі на 19 гадоў за «здраду дзяржаве»
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў88
Каментары