Jak paviedamiŭ hałoŭny redaktar vydańnia Viktar Marčuk, sioleta na pačatku hoda sproby damovicca pra druk čarhovaha numaru zastalisia biespaśpiachovymi.
Drukarni ŭ roznych haradach Biełarusi admaŭlajucca ad supracy z redakcyjaj niedziaržaŭnaha rehijanalnaha vydańnia, nahadvaje BAŽ
Prablema ŭźnikła, kali Bresckaja drukarnia admoviłasia praciahvać damovu z hazietaj — paśla 18 hadoŭ supracoŭnictva. Pryčyny hetaha rašeńnia kiraŭnictva drukarni nie tłumačyć.
U vyniku redakcyja naprykancy 2020 hoda źviarnułasia da svaich čytačoŭ, kab jany anulavali padpisku, užo aformlenuju na pieršuju pałovu 2021 hoda. Pavodle Viktara Marčuka, heta vymušany krok, bo ŭ redakcyi nie było ŭpeŭnienaści, što ŭ Biełarusi možna chutka znajści inšuju drukarniu, kab hazieta praciahvała źjaŭlacca ŭ papiarovym varyjancie.
Apošni numar za minuły hod vyjšaŭ 24 śniežnia, a 31 śniežnia paśpieli nadrukavać ŭ Breście pieršy numar haziety za 2021 hod. Jaho nakład pamienšyŭsia bolš čym na tysiaču asobnikaŭ, bo ŭžo nie ŭličvaŭ padpisčykaŭ.
Jak raspavioŭ hałoŭny redaktar «Bresckaj haziety», sproby damovicca ź inšymi drukarniami ŭ Biełarusi plonu nie dali, a šukać varyjanty z drukam u inšych krainach (u pryvatnaści, u Rasii) u redakcyi paličyli biessensoŭnym.
Takim čynam, pakul «Bresckaja hazieta» časova prypyniaje vychad drukavanaj viersii vydańnia i zasiarodzicca na aśviatleńni padziej na svaim sajcie i ŭ sacyjalnych sietkach.
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Kamientary