«Peŭnaje nieparazumieńnie». U Cichanoŭskaj abvierhli infarmacyju, što vyzvaleńni palitviaźniaŭ «adkładzienyja na niekatory čas»
Infarmacyja pra toje, što vyzvaleńni palitviaźniaŭ «adkładzienyja na niekatory čas» pa inicyjatyvie amierykanskaha boku, nie adpaviadaje rečaisnaści. Pra heta ŭ kamientary vydańniu «Lusterka» zajaviŭ dypłamatyčny daradca Śviatłany Cichanoŭskaj Dzianis Kučynski.
«My padtrymlivajem pastajanny kantakt z našymi amierykanskimi partniorami, na minułym tydni ja havaryŭ ź Biełym domam i Dziarždepartamientam, a ŭčora kamunikavaŭ sa spadarom Koŭłam. Mahu paćvierdzić, što amierykanskaja administracyja nie spyniaje svajoj pracy ŭ pytańni vyzvaleńnia biełaruskich palitviaźniaŭ. Amierykanski humanitarna-dypłamatyčny trek praciahvajecca i nie spyniaŭsia», — zajaviŭ Kučynski.
Jon dadaŭ, što, jak i ŭ minułyja razy, heta nie samyja prostyja pieramovy, tamu taki praces zaŭsiody zajmaje čas. Tak było padčas papiarednich vyzvaleńniaŭ, heta narmalnaja častka pracesu.
«Što da apošnich kamientaroŭ, to tut, vidać, adbyłosia peŭnaje nieparazumieńnie ŭ interpretacyi. Nasamreč Śviatłana Cichanoŭskaja mieła na ŭvazie kamunikacyju adnosna tearetyčnaha vizitu spadara Koŭła ŭ Minsk u traŭni. Havorka išła nie pra ahulny pieramoŭny trek pa vyzvaleńni palitviaźniaŭ i jaho budučyniu, a pra tearetyčny vizit praz dva-try tydni, pra jaki spadar Koŭł kazaŭ paśla vyzvaleńnia Andreja Pačobuta. Adnak paźniej jon paviedamiŭ, što pavodle jahonaha rašeńnia jon nie pajechaŭ. Tamu toj vizit byŭ sfakusavany na pracy Franklina Hrema, jaki zmoh naviedać Biełaruś i źviarnucca da biełarusaŭ sa svajoj hamilijaj», — skazaŭ Kučynski.
Daradca Cichanoŭskaj jašče raz padkreśliŭ, što praces vyzvaleńnia palitviaźniaŭ praciahvajecca, amierykanski humanitarna-dypłamatyčny trek pracuje, i amierykanskaja administracyja praciahvaje ŭdzielničać u hetych pracesach.
«My vielmi ŭdziačnyja našym amierykanskim partnioram za ich paśladoŭnuju pracu i padtrymku ŭ hetym nadzvyčaj važnym pytańni», — dadaŭ Kučynski.
Raniej ahienctva Reuters paviedamiła, što lidarka biełaruskich demsił Śviatłana Cichanoŭskaja zaŭvažyła im u kamientary, što dalejšyja vyzvaleńni źniavolenych «adkładzienyja na niekatory čas». Takuju infarmacyju Cichanoŭskaja nibyta atrymała ad administracyi prezidenta ZŠA Donalda Trampa.
ZŠA paviedamili, što vyzvaleńnie palitviaźniaŭ u Biełarusi «adkładzienaje na niekatory čas»
Viačorka: Kali Jeŭropa pačnie zdavać pierad Łukašenkam, heta asłabić amierykanskija pazicyi
Džon Koŭł patłumačyŭ, čamu nie pajechaŭ u Minsk razam z prapaviednikam Hremam
«My jašče nie skončyli. Nie stračvajcie nadziei!» Džon Koŭł adreahavaŭ na słovy Cichanoŭskaj pra 800 palitviaźniaŭ u Biełarusi
Ciapier čytajuć
Biełarus zrabiŭ prapanovu kachanaj kala znakamitaha fantana Trevi ŭ Rymie — pad apładysmienty dziasiatkaŭ turystaŭ11
Kamientary
I viadoma što ofis prykłaŭ da hetaha namahańni svajej pieryjadyčnaj krytykaj amierykanskaha boku.