U Branskaj vobłaści biełarus šturchanuŭ na darozie palena — i staŭ vypadkovaj achviaraj vajny
Traim dzieciam Uładzimira Siarhiejeva spačatku navat nie chacieli davać kampiensacyju, bo vypłaty praduhledžanyja tolki za śmierć hramadzian Rasii.
Trahičny vypadak zdaryŭsia 12 krasavika 2025 hoda ŭ vioscy Kiryłaŭka Klimaŭskaha rajona Branskaj vobłaści Rasii. Heta vioska znachodzicca za 3 kiłamietry ad Ukrainy.
Miascovy žychar, hramadzianin Biełarusi Uładzimir Siarhiejeŭ, šturchanuŭ na darozie niejkaje palena, a jano ŭzarvałasia. Mužčyna zahinuŭ na miescy, jahonaja žonka Maryna atrymała lohkuju kantuziju i trapiła ŭ rajonnuju balnicu.
Rasijskija ŭłady abvinavacili va ŭsim Uzbrojenyja siły Ukrainy, nazvali zdareńnie teraktam suprać mirnych žycharoŭ, a Śledčy kamitet RF zavioŭ kryminalnuju spravu.
Dzieci Uładzimira Siarhiejeva — a ich troje, uklučna ź niepaŭnaletnim synam — pretendavali na kampiensacyju za baćku jak achviaru vajny, ale spačatku im admovili.
Čynoŭniki skazali, što vypłaty robiacca tolki za zahinułych hramadzian Rasii. A ŭ Siarhiejeva byŭ tolki biesterminovy dazvoł na žycharstva ŭ Rasii, ale pa hramadzianstva jon nie źviartaŭsia.
Hetaksama mierkavaŭ i Klimaŭski rajonny sud. A voś Branski abłasny sud traktavaŭ zakon inačaj — dapamoha vypłačvajecca nie samomu zahinułamu, a členam jahonaj siamji, jakija źjaŭlajucca hramadzianami Rasii.
Standartnaja branskaja dapamoha siemjam tych, chto zahinuŭ ad abstrełaŭ, składaje pryblizna 16 tysiač jeŭra i dzielicca paroŭnu pamiž usimi členami siamji.
Ciapier čytajuć
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami9191
Kamientary
Mieŭ biełaruski pašpart. Nie mianiaŭ jaho na rasiejski napeŭna kab nie zahrabli na vajnu.
Što ŭ im biełaruskaha, akramia pašparta, nie zrazumieła.
Chacia moža i sapraŭdy biełarus, bo vajavać nie chacieŭ?
A žonka adrazu pa kampiensacyju za muža pabiehła. Napeŭna karennaja rasijanka.