Pryčym cikavić pieryjad z 2016 hoda.
Miarkujučy pa pastanovie ab zaviazieńni kryminalnaj spravy, da ludziej pryjšli za apłatu navučańnia ŭ EHU, pačynajučy z 2016 hoda, piša «Viasna».
«Nieŭstanoŭlenyja asoby nie raniej za 30.04.2016 ažyćciavili pradastaŭleńnie i zbor hrašovych srodkaŭ, kaštoŭnych papier i inšaj majomaści dla śviadomaha zabieśpiačeńnia ekstremisckaj dziejnaści ekstremisckaj arhanizacyi «Jeŭrapiejski humanitarny univiersitet», pryznanaj takoj rašeńniem Viarchoŭnaha Suda Respubliki Biełaruś ad 14.04.2026», havorycca ŭ pastanovie.
14 krasavika Jeŭrapiejski humanitarny ŭniviersitet, jaki dziejničaje ŭ Vilni, byŭ pryznany ŭ Biełarusi ekstremisckaj arhanizacyjaj.
Z pačatku miesiaca ŭ Biełarusi pačaŭsia pieraśled, źviazany ź EHU. Siłaviki raspačali kryminalnuju spravu za sadziejničańnie i finansavańnie «ekstremisckaj dziejnaści».
U miežach hetaj spravy pa ŭsioj krainie prachodziać pieratrusy ŭ ludziej, jakija majuć dačynieńnie da ŭniviersiteta. Pravaabaroncam viadoma bolš čym pra 30 pieratrusaŭ.
Tak, u Viciebskaj vobłaści siłaviki pryjšli ź pieratrusami da byłych studentaŭ, jakija ŭžo skončyli ŭniviersitet abo pakinuli jaho, nie zaviaršyŭšy navučańnie. Ich taksama cikaviła, chto apłačvaŭ navučańnie.
EHU zajaviŭ pra ŭzmacnieńnie padtrymki studentaŭ, vykładčykaŭ i ich siemjaŭ
Bolš za 30 pieratrusaŭ pa ŭsioj krainie. Što viadoma pra «spravu EHU» i jak abaranić siabie i blizkich
Niekalki vykładčykaŭ EHU z pryznańniem univiersiteta ekstremicckaj ustanovaj spynili supracoŭnictva
Kala 100 studentaŭ pakinuli EHU paśla pryznańnia ŭniviersiteta «ekstremisckaj arhanizacyjaj»
Ciapier čytajuć
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami9191
Kamientary
Pridumali, za čto jeŝio zakryť ludiej, 342-ja to otvaliłaś po srokam davnosti.
Albo bank jaki pieravodziŭ hrošy ŭ EHU, a ŭ mianie ŭ hetym banku rachunak i kartki i štomiesiačnaja apłata za absłuhoŭvańnie.
I ŭsio 361-2 č.2.
Ale jość vyratavańnie, za što vialiki dziakuj našaj spraviadlivaj dziaržavie: idu pa vypisku za 10 hadoŭ, kab svoječasova zajavić ab zroblenym i tak kožny miesiac. Kali vypiska płatnaja, nie zabyvajemsia dałučać hetuju infarmacyju taksama.