Pratestoŭku ŭ viasielnaj sukiency aštrafavali bolš čym na 2 tysiačy rubloŭ
18 studzienia sud Kastryčnickaha rajona Minska znoŭ razhladaŭ spravu Iny Zajcavaj, taksama viadomaj jak «bieł-čyrvona-biełaja niaviesta», paviedamlaje Radyjo Svaboda.
Praces pačaŭsia 14 studzienia, jaje abvinavačvali pavodle č. 1 i č. 3 art. 23.34 KaAP (udzieł u niesankcyjanavanym mierapryjemstvie i niepadparadkavańnie supracoŭniku pravaachoŭnych orhanaŭ).
Ina Zajcava pakinuła Biełaruś jašče pry kancy minułaha hodu, na sudzie była jaje advakatka. Sudździa Alaksandar Rudenka pryniaŭ rašeńnie aštrafavać žančynu za fatahrafii z maršaŭ pa dvuch pratakołach ahułam na 2030 rubloŭ (70 bazavych vieličyń).
Jak adznačajuć vałantery «Viasny», pratakoły na Inu Zajcavu składzienyja na padstavie manitorynhu publikacyj ź jaje ŭdziełam u sacsietkach, a taksama z navinaŭ na partałach Tut.by i Onliner.by.
Jaje vinavataść dakazvałasia skrynšotami publikacyj i videa z maršaŭ sa ŚMI.
Letaś u listapadzie Inu Zajcavu aštrafavali na 675 rubloŭ i kanfiskavali znakamituju sukienku.
Kamientary