Пратэстоўку ў вясельнай сукенцы аштрафавалі больш чым на 2 тысячы рублёў
18 студзеня суд Кастрычніцкага раёна Мінска зноў разглядаў справу Іны Зайцавай, таксама вядомай як «бел-чырвона-белая нявеста», паведамляе Радыё Свабода.
Працэс пачаўся 14 студзеня, яе абвінавачвалі паводле ч. 1 і ч. 3 арт. 23.34 КаАП (удзел у несанкцыянаваным мерапрыемстве і непадпарадкаваньне супрацоўніку праваахоўных органаў).
Іна Зайцава пакінула Беларусь яшчэ пры канцы мінулага году, на судзе была яе адвакатка. Судзьдзя Аляксандар Рудэнка прыняў рашэньне аштрафаваць жанчыну за фатаграфіі з маршаў па двух пратаколах агулам на 2030 рублёў (70 базавых велічынь).
Як адзначаюць валантэры «Вясны», пратаколы на Іну Зайцаву складзеныя на падставе маніторынгу публікацый зь яе ўдзелам у сацсетках, а таксама з навінаў на парталах Tut.by і Onliner.by.
Яе вінаватасьць даказвалася скрыншотамі публікацый і відэа з маршаў са СМІ.
Летась у лістападзе Іну Зайцаву аштрафавалі на 675 рублёў і канфіскавалі знакамітую сукенку.
Каментары