Pierakładčycu Volhu Kałackuju vinavaciać u chulihanstvie i pieravodziać u žodzinski SIZA
Pierakładčycy Volzie Kałackaj pradjavili abvinavačańnie pavodle častki 1 artykułu 339 Kryminalnaha kodeksu, «Chulihanstva».
Pra heta paviedamiła pres-słužba Biełaruskaj asacyjacyi žurnalistaŭ. Raniej paviedamlałasia, što jaje zatrymali ŭ miežach spravy pavodle artykułu 342 KK — «Arhanizacyja i padrychtoŭka dziejańniaŭ, što hruba parušajuć hramadzki paradak».
Rodnyja miarkujuć, što Volhu pryciahvajuć da adkaznaści za padziei, pakazanyja ŭ materyjale supracoŭnika dziaržaŭnaha telekanału STV Ryhora Azaronka, u jakim žančyny padčas adnaho z maršaŭ hučna svaracca z prapahandystam.
Pierakładčyca Volha Kałackaja była zatrymanaja 15 studzienia ŭ siabie doma. Pra zatrymańnie i «zaprašeńnie» na razmovu ŭ Frunzenskaje RUUS jana sama paśpieła napisać u fejsbuk. Padrabiaznaści Svabodzie raskazała studentka Volhi, jakaja prychodziła da Kałackaj dadomu zajmacca anhielskaj movaj. Usio adbyvałasia na vačach u dziaŭčyny.
«Ja niadaŭna pačała zajmacca ŭ Volhi, prychodziła da jaje dadomu, — raskazvaje śviedka. — Heta byŭ zvyčajny zaniatak, my ŭžo skančali amal. I tut zvanok u dźviery. Taki dastatkova ahresiŭny, jak byccam niechta hłuchi. Vielmi hučna zvanili. Ja jašče padumała, što sama nie adčyniała b dźviery paśla takoha. U naš čas u pryncypie nieznajomym nia varta adčyniać. Ale Volha pajšła adčyniać. Dźviery ŭ jaje padvojnyja, jana adčyniła pieršyja i spytała, chto tam. Pahladzieła ŭ vočka. I adčyniła druhija. Zajšli dvoje ŭ cyvilnym. Jany byli ŭ čornych maskach, pakazali paśviedčańnie čyrvonaha koleru. Ja pačuła, jak jany skazali Volzie — vy takaja i takaja, apranajciesia, pajedziem z nami na razmovu ŭ Frunzenskaje RUUS».
Pa słovach studentki, dla ŭsich prysutnych heta stała šokam, Volha nie była hatovaja da takoha. Jana spytała ŭ milicyjantaŭ, z kim možna pakinuć chvoruju 89-hadovuju maci, jakaja patrabuje dohladu. Na heta pravaachoŭniki adkazali, što maci možna pakinuć sa studentkaj. A sama Volha, maŭlaŭ, chutka vierniecca dadomu, bo ŭsia sprava «zojmie paŭtary hadzinki». Kałackaja paśla hetaha zajšła ŭ pakoj da maci, skazała joj, što chutka vierniecca, i pajechała ź milicyjantami. Dadomu jaje tak i nie adpuścili. Maci Volhi zaraz dahladajuć jaje siabry. Pra zatrymańnie dački jana viedaje ad samoj Volhi, jakaja patelefanavała dadomu ŭviečary 15 studzienia ź milicejskaha pastarunku.
«Ja nie pramianiaju hety hod ni na jaki inšy!» Što viadoma pra aryštavanuju pierakładčycu Volhu Kałackuju
-
Nivodnaha minskaha, homielskaha, italjanskaha ci francuzskaha. Zatoje ŭ Mahilovie budujuć užo čaćviorty rasijski dvoryk, hetym razam — ź miadźviedziem
-
U minskija kramy zavieźli ekzatyčnyja płady z Kałumbii
-
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami
Ciapier čytajuć
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami66
Kamientary