Kryty rynak čyrvonych dziaciej u paryžskim kvartale Mare isnavaŭ z 1615 hoda i słaviŭsia pieradusim vuličnaj ježaj.
Svaju nazvu (dasłoŭna — «Rynak čyrvonych dziaciej») jon atrymaŭ dziakujučy čyrvonamu adzieńniu, jakoje nasili siroty z prytułku, što znachodziŭsia niepadalok da 1772 hoda. Hety rynak, viadomy svajoj vuličnaj ježaj, nieadnarazova ŭklučali ŭ dziasiatku najlepšych u śviecie, piša Bi-bi-si.
Pavodle paviedamleńniaŭ francuzskich ŚMI, uzharańnie pačałosia kala troch hadzin nočy. Praź niekalki hadzin pažarnyja ŭsio jašče pralivali vadoj tlejučyja ruiny. Pryčyna pažaru pakul nie vyśvietlenaja.
— Kali my prybyli, pažar užo razhareŭsia na poŭnuju siłu: vysokija jazyki połymia achapili ŭsiu ŭnutranuju prastoru krytaha rynku, — paviedamiŭ žurnalistam pradstaŭnik pažarnaj słužby Pjer de Buvje.
Pavodle jaho słoŭ, «ahoń źniščyŭ 1000 kvadratnych mietraŭ».
«Rynak całkam razburany — ad jaho i mietaličnaj kanstrukcyi ničoha nie zastałosia. Hałoŭnaj zadačaj ratavalnikaŭ było nie dapuścić raspaŭsiudžvańnia ahniu «na žyłyja damy i kramy, raźmieščanyja nad rynkam», udakładniŭ pažarny.
Mer centralnaha siektara Paryža Aryel Viejl, jaki prybyŭ na miesca zdareńnia ranicaj, zajaviŭ vydańniu Le Parisien: «Ciapier siomaja ranicy, pačynajuć padychodzić ludzi i handlary: rynak Anfan-Ruž źniščany, jon zhareŭ daščentu».
«Na ščaście, pažarnyja prybyli vielmi chutka, zadziejničaŭšy šmat adzinak techniki, da taho ž jany dobra viedali miascovaść», — dadaŭ jon i adznačyŭ, što «najhoršaha ŭdałosia paźbiehnuć», bo ahoń moh pierakinucca i na susiednija damy.
-
«Palić naftapierapracoŭčyja zavody». Kit Kiełah paraiŭ, što treba rabić Ukrainie paśla papiaredžańniaŭ Trampa
-
U Francyi chakiery ŭzłamali chaładzilniki ŭ sotniach supiermarkietaŭ. Zamiest minusavoj tempieratury jany stali davać plusavuju
-
U Hiermanii zatrymali padazravanych u padpale stancyi Starlink u Polščy. Jany inšaziemcy
Kamientary