Ivan Naskievič napisaŭ kandydackuju dysiertacyju, u jakoj abhruntoŭvaje metazhodnaść isnavańnia Śledčaha kamiteta
Na sajcie Vyšejšaj atestacyjnaj kamisii źjaviŭsia aŭtarefierat kandydackaj raboty staršyni Śledčaha kamiteta Ivana Naskieviča.
Rabota nazyvajecca «Śledčy Kamitet Respubliki Biełaruś jak subjekt realizacyi dziaržaŭnaj kadravaj palityki ŭ sistemie orhanaŭ papiaredniaha śledstva: administratyŭna-pravavyja aśpiekty».
Navukovy kiraŭnik — sudździa Kanstytucyjnaha suda Leanid Rabcaŭ.
Adnoj z centralnych dumak dysiertacyi źjaŭlajecca dakazvańnie subjektnaści Śledčaha kamiteta ŭ sistemie inšych siłavych orhanaŭ.
Niekatoryja raździeły nazyvajucca tak: «Dziaržaŭnaja kadravaja palityka i subjekty jaje realizacyi», «Pravavoje stanovišča Śledčaha kamiteta jak subjekta, jaki realizuje dziaržaŭnuju kadravuju palityku ŭ sistemie orhanaŭ papiaredniaha śledstva».
Aproč inšaha, Naskievič robić vysnovu, što «SK jak subjekt, jaki realizuje dziaržaŭnuju kadravuju palityku […] — heta adziny i centralizavany dziaržaŭny pravaachoŭny orhan, jaki realizuje hetu palityku šlacham padboru, rastanoŭki, padrychtoŭki, pierapadrychtoŭki, pavyšeńnia kvalifikacyi i ideałahičnaha vychavańnia supracoŭnikaŭ […]».
Abarona dysiertacyi projdzie 31 sakavika, a 14-j hadzinie ŭ BDU, pa adrasie Leninhradskaja, 8, aŭdytoryja 407. Pryjści na jaje moža luby achvotny.
U jurydyčnych kołach aceńvajuć rabotu staršyni SK jak dziejnaść u kirunku zachavańnia manalitnaści svajoj arhanizacyi.
Užo niekalki miesiacaŭ jak isnujuć čutki, što isnavańnie Śledčaha kamiteta ŭ ciapierašnim vyhladzie pad pahrozaj, maŭlaŭ: Ministerstva ŭnutranych spraŭ choča samastojna rasśledavać złačynstvy, jakija ŭvachodziać u raździeł 27 Kryminalnaha kodeksa (złačynstvy suprać hramadskaj biaśpieki) i prapanuje «adrezać» ad SK častku supracoŭnikaŭ pad hetyja mety ź pieravodam ich u štat MUS.
Toje ž samaje moža adbycca i sa śpiecyjalistami pa ekanomicy, bo DFR taksama chacieŭ by rasśledavać ekanomiku samastojna. Tamu los SK vyhladaje tumanna, a Naskievič, maŭlaŭ, dziejničaje na karyść zachavańnia struktury.
Čytajcie. Cierabličy: repartaž z radzimy kiraŭnika Śledčaha kamiteta i raspovied pra jahonuju siamju FOTY
Ciapier čytajuć
Cichanoŭskaja: Dzieci nie pierajechali ŭ ZŠA, a prosta časova buduć z tatam dziela biaśpieki42
Kamientary