Novuju paru abutku ŭłasnaha brenda repiera i dyzajniera Kańje Uesta Yeezy raskupili mienš čym za adnu chvilinu. Pra heta paviedamlaje Page Six. Havorka idzie pra vyśmiejanyja za padabienstva z hruzinskimi chinkali biełyja krasoŭki 450 Cloud White. Abutak vyrableny ź lohkaha sietkavataha materyjału śvietła-šeraha koleru i zaciahvajecca šnurkami.
Adznačajecca, što jak tolki abutak staŭ dastupny na sajtach Adidas i YeezySupply.com, fanaty marki tut ža pačali afarmlać zakazy. Pieršapačatkovy košt krasovak składaje 200 dalaraŭ, adnak na druhasnym rynku madel pierapradajuć užo bolš za 900 dalaraŭ.
Karystalniki Twitter pačali abmiarkoŭvać «vokamhnienny» reliz krasovak: «Vychad Yeezy 450 byŭ niejkim hłupstvam. 15 chvilin ty znachodzišsia «ŭ zale čakańnia», staronka abnaŭlajecca sama pa sabie, pakul krasoŭki nie buduć całkam raskuplenyja», «reliz byŭ a 7-j ranicy, usie pary raspradali da 7.01. Ludzi nienavidzieli hety abutak uvieś hod, ale nikoli nie prajaŭlali takuju enierhiju, jak u dzień vypusku Yeezy 450», — pisali jany.
A jašče ŭ traŭni minułaha hoda zhadanyja krasoŭki vyśmiejali ŭ sietcy za padabienstva z hruzinskaj nacyjanalnaj stravaj i bachiłami.
-
Hrodzienka addała za naroščanyja vałasy amal piać tysiač rubloŭ — za što takija hrošy?
-
«Heta rok-n-roł». Šura Stoŭn aceńvaje načosy łukašystak ź lehiendarnaha artykuła «Našaj Nivy»
-
Vyjšła kniha pra asabistyja zvyčki Makrona, u jakoj nazvali jaho lubimy vodar. Vytvorca vodaru nie vielmi radujecca navinie
Ciapier čytajuć
Biełaruskim top-čynoŭnikam u Vałhahradzie razdali kałaradskija stužki. Marzaluk zastaŭsia ź jabłynievaj FOTY8
Kamientary