Stvorany branzalet dla kantrolu dapoŭnienaj realnaści siłaj dumki
Pryłada budzie raspaznavać ruchi ruki, što dazvolić karystalniku žestami kantralavać pracu hadžetaŭ.
Branzalet raspracavała kampanija Facebook. Ën maje stać dadatkam da akularaŭ dapoŭnienaj realnaści. Adnak dla jaho pracy patrabujecca dostup da myśleńnia karystalnika, piša The Washington Post.
Pryłada vykarystoŭvaje elektramijahrafiju, kab jaje čujniki sčytvali sihnały, što iduć ad mozhu da niervovych kančatkaŭ kiści ruki, i tym samym razumieli, jaki žest namahajecca zrabić karystalnik. To-bok branzalet pierachoplivaje sihnał da dziejańnia, kali čałaviek prymaje rašeńnie jaho zrabić, i pieratvaraje jaho ŭ ličbavuju kamandu dla hadžeta.
Na pieršych etapach branzalet budzie razumieć tolki samyja prostyja kamandy, ale ŭ budučyni stvaralniki płanujuć damahčysia, kab pryłada dazvalała drukavać biez kłavijatury, pierasoŭvać virtualnyja pradmiety i ŭzajemadziejničać sa śvietam dapoŭnienaj realnaści tak ža, jak čałaviek uzajemadziejničaje z realnym.
U demanstracyjnych rolikach branzalet vyhladaje jak iPod, prymacavany da zapiaścia.
Adnak branzalet jašče znachodzicca na rańniaj stadyi raspracoŭki, tamu mohuć prajści hady, pakul pryłada źjavicca ŭ prodažy.
Ciapier čytajuć
Jon adkryta nazyvaŭ rasijskich vajskoŭcaŭ akupantami, a rasijskuju ŭładu — fašysckaj. Za kraty kinuli supracoŭnika MTBanka4
Jon adkryta nazyvaŭ rasijskich vajskoŭcaŭ akupantami, a rasijskuju ŭładu — fašysckaj. Za kraty kinuli supracoŭnika MTBanka
Najbujniejšaj u śviecie fan-supolnaściu Łedzi Hahi kiruje chłopiec ź Minska, jaki adsiedzieŭ za pratesty. Rasijanie paśpiašalisia zapisać jaho ŭ svaje1616
Kamientary