Hierasimienia pra raspačatuju kryminalnuju spravu: Značyć, my ŭsio robim pravilna
Śledčy kamitet pačaŭ kryminalnuju spravu suprać Alaksandry Hierasimieni i Alaksandra Apiejkina. Hierasimienia — kiraŭnica Biełaruskaha fondu spartovaj salidarnaści. Apiejkin — vykanaŭčy dyrektar.
«Kali nas adznačyli, značyć my na viernym šlachu i robim usio pravilna», — tak Alaksandra Hierasimienia prakamentavała Svabodzie navinu pra kryminalnuju spravu suprać jaje i Alaksandra Apiejkina.
Śledčy kamitet paviedamiŭ, što zaviedzienaja kryminalnaja spravy ŭ dačynieńni da viadomaj płyŭčychi, kiraŭnicy Biełaruskaha fondu spartovaj salidarnaści Alaksandry Hierasimieni i vykanaŭčaha dyrektara fondu, zasnavalnika handbolnaha kłuba «Viciaź» Alaksandra Apiejkina.
Śledstva śćviardžaje, što ŭ vyniku dziejańniaŭ Hierasimieni i Apiejkina «naniesieny značny imidžavy i finansavy ŭron, padarvany prestyž krainy na mižnarodnaj i palityčnaj arenie, dyskredytavana kiraŭnictva spartyŭnaj haliny i dziaržavy».
Dziejańni členaŭ BFSS śledčymi kvalifikavanyja pa č. 3 art. 361 (zakliki da ździajśnieńnia dziejańniaŭ, nakiravanych na pryčynieńnie škody nacyjanalnaj biaśpiecy Biełarusi, učynienyja z vykarystańniem srodkaŭ masavaj infarmacyi, hłabalnaj kampjutarnaj sietki internet) KK. Sankcyja artykuła praduhledžvaje maksimalnaje pakarańnie ŭ vyhladzie pazbaŭleńnia voli da 5 hadoŭ.
-
U źlitaj razmovie siłaviki abmiarkoŭvajuć, jak adsočvajuć ludziej pa łakacyi mabilnaha telefona. Nadziejna schavacca ź im składana
-
Kasy samaabsłuhoŭvańnia patrabujuć biełarusaŭ skanavać adrazu dva kody. Što adbyvajecca?
-
«Nie pojdzie na karyść prusaku». MZS Ukrainy adreahavaŭ na słovy Łukašenki pra Zialenskaha
Kamientary