Amierykanski repier Will.i.am vypuskaje «razumnuju» masku
Repier Uiljam Džejms Adams, viadomy jak Will.i.am, sumiesna z kampanijaj Honeywell stvaryŭ vysokatechnałahičnuju masku Xupermask.
Honeywell — amierykanskaja kampanija, jakaja zajmajecca aerakaśmičnym abstalavańniem, a taksama raspracoŭvaje technałohii dla ekspłuatacyi budynkaŭ.
Śpiecyjalisty z Honeywell razam z repieram Will.i.am, zasnavalnikam muzyčnaha hurta Black Eyed Peas, vypuścili «razumnuju» masku, dyzajn dla jakoj u styli kibierpank raspracavaŭ Chase Fiernandes — adzin sa stvaralnikaŭ skafandraŭ dla kampanii SpaceX Iłana Maska, piša The New York Times.
Maska maje try dvuchchutkasnyja vientylatary i sistemu filtracyi ad HEPA, što zabiaśpiečvaje jakasnuju achovu ad virusaŭ. Bolš za toje, u masku ŭstalavanyja mikrafony, biespravadnyja šumapadaŭlalnyja navušniki, śviatłodyjodnyja lampy dla načnoha času, a taksama funkcyja Bluetooth.
Maska pracuje ad akumulatarnaj batarei, zaradki jakoj chapaje na 7 hadzin.
Xupermask vypuskajecca ŭ dvuch kolerach (čornym i biełym) i dvuch pamierach, a cana «razumnaj» maski składaje 299 dalaraŭ.
Stvaralniki pierakananyja, što z raspaŭsiudžvańniem vakcyn popyt na maski nie źniknie, a našeńnie maski ŭ hramadskich miescach stanie ahulnapryniataj normaj.
Will.i.am adznačaje, što zvyčajnyja maski majuć prablemy z funkcyjanalnaściu, bo ŭ ich horača, niazručna razmaŭlać pa telefonie i karystacca navušnikami. Usie hetyja prablemy jakraz i vyrašaje «razumnaja» maska Xupermask.
-
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf
-
U Rasii dla Android zrabili niezvyčajnuju kłavijaturu— jana adrazu pakazvaje termin za kamientar, što vy napisali
-
Navukoŭcy razhadali tajamnicu naradžeńnia Miesiaca
Kamientary