«Jon nie moh biez muzyki». U Minsku raźvitvajucca ź Leanidam Bartkievičam FOTY
U Minsku raźvitvajucca z zasłužanym artystam Biełarusi, byłym salistam hurta «Pieśniary» Leanidam Bartkievičam, što pamior 13 krasavika. Pachavajuć Bartkieviča na Uschodnich mohiłkach. Cyrymonija raźvitańnia prachodzić u Biełdziaržfiłarmonii, piša Tut.by.
Zału Biełdziaržfiłarmonii a 10-j hadzinie napoŭniła viadomaja «Kałychanka» «Pieśniaroŭ», ale hučyć jana nie dla hledačoŭ, a jak znak raźvitańnia z Bartkievičam. Na raźvitańnie pryjšli rodnyja, siabry i kalehi viadomaha «pieśniara», a taksama jaho prychilniki.
Adnym ź pieršych pryjšoŭ raźvitacca ź Leanidam Bartkievičam jaho kaleha pa ansambli Andrej Jaronin. Jon pryznaje, što straciŭ kalehu i siabra, ale Leanid Leanidavič zastaniecca ŭ muzycy lehiendarnych «Pieśniaroŭ».
— Litaralna 4 dni tamu my stelefanoŭvalisia, jon skazaŭ, što napisaŭ novuju pieśniu, kaža «Biary hitaru, pryjazdžaj — budziem rabić novuju kampazicyju». Ja navat nie viedaju, ab čym jana. Heta było za dzień da taho, jak jon trapiŭ u balnicu, — kaža Andrej Jaronin. — Jon nie moh biez muzyki, biez vystupaŭ, choć jamu było ciažka hastralavać.
Častka ludziej, jakija pryjšli raźvitacca z muzykam, zastajecca ŭ zale.
Raźvitacca ź Leanidam Bartkievičam pryjšoŭ muzyka, eks-udzielnik ansambla «Pieśniary» Valeryj Skaražonak.
Pamior salist «Pieśniaroŭ» Leanid Bartkievič
Pryčynaj śmierci Leanida Bartkieviča staŭ cukrovy dyjabiet
-
U Vialikaj Bierastavicy źnieśli ŭnikalny zajezny dvor XIX stahodździa. Na ścianie z savieckich časoŭ visieła šylda «achoŭvajecca zakonam»
-
Minkultury raskazała pra sproby viartańnia biełaruskich kaštoŭnaściaŭ, stračanych padčas vojnaŭ
-
U siecivie źjaviŭsia pieršy vialiki albom vielikodnych śpievaŭ na rodnaj movie. Pasłuchajcie
Kamientary