Nasiakomyja — karysny i bahaty na pratein pradukt, jaki spažyvajuć u šmatlikich krainach. Čamu ž niekatoryja z nas staviacca da ich tak pieraborliva?
U krainach Zachadu, u tym liku i Biełarusi, nasiakomyja — nie samaja papularnaja ježa, ale na samoj spravie čałaviectva viedaje hety pradukt užo tysiačahodździ. U krainach Azii, Paŭdniovaj Amierycy i Afrycy spažyvajuć kala dźviuch tysiač vidaŭ nasiakomych. Ale, zhodna z daśledavańniem Jeŭrapiejskaj arhanizacyi spažyŭcoŭ, tolki 10% jeŭrapiejcaŭ zhodnyja zamianić imi miasa, piša VVS.
Pry hetym nasiakomyja — pradukt vialikaj charčovaj vartaści, i navat ich maleńkaja porcyja źmiaščaje ŭ siabie vielizarnuju kolkaść karysnych rečyvaŭ. Raźviadzieńnie nasiakomych u sielskaj haspadarcy mahło b dapamahčy ŭ zmahańni z važnymi suśvietnymi prablemami — niedachopam ježy i klimatyčnym kryzisam.
Kultyvavańnie nasiakomych patrabuje mienš ziamli, enierhii i vady, čym tradycyjnaja haspadarka, i vyklikaje značna mienšyja ŭ paraŭnańni ź joj vykidy vuhlakisłaha hazu ŭ atmaśfieru. Naprykład, cvyrkuny vyrablajuć prykładna na 80% mienš mietanu, čym karovy, i ŭ 8—12 razoŭ mienš amijaku, čym śvińni. Mietan — heta mocnadziejny parnikovy haz, jaki za 20-hadovy pieryjad upłyvaje na hłabalnaje paciapleńnie ŭ 84 razy macniej, čym vuhlakisły haz. Amijak, u svaju čarhu, vyklikaje akiśleńnie hlebaŭ, zabrudžvańnie hruntavych vodaŭ i razbureńnie ekasistem.
Raźviadzieńnie nasiakomych maje i inšyja bonusy. Naprykład, padčas jaho źmianšajecca pamier adkidaŭ u paraŭnańni sa zvyčajnaj haspadarkaj, bo, u adroźnieńnie ad miasa, častka jakoha hublajecca pry vyrabie praduktu, nasiakomaje zvyčajna źjadajuć całkam. A jašče raźviadzieńnie nasiakomych — vielmi chutkaja źjava. Kab vyhadavać parasia ci ciala, treba doŭhija miesiacy, a nasiakomyja vyrastajuć za paru dzion i mohuć davać tysiačy naščadkaŭ.
Staŭleńnie ludziej da hetaha praduktu taksama źmianiajecca. Pa prahnozach, da 2027 hoda pamier rynku nasiakomych, prydatnych da ježy, dasiahnie 4,63 miljarda dalaraŭ, i jeŭrapiejskija kampanii ŭžo inviestujuć u taki pradukt.
Adna ź idej nakont taho, jak lepiej prezientavać prydatnych da ježy nasiakomych jeŭrapiejcam, hučyć tak: treba małoć nasiakomych da stanu muki i dadavać ich u inšyja pradukty. Heta zrobić zvykłuju nam ježu bolš raznastajnaj.
Ciapier čytajuć
Rasijanie sapraŭdy stali čaściej kuplać nieruchomaść u Biełarusi? Voś što raskazvajuć ryełtary21
Rasijanie sapraŭdy stali čaściej kuplać nieruchomaść u Biełarusi? Voś što raskazvajuć ryełtary
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»1111
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»11
Niebaraka ź Lachavičaŭ źnik «na SVA» ŭžo na treci dzień, a ŭ baraćbie za hrabavyja sčapilisia siastra, sužycielka i žonka — z čatyrma dziećmi, ale čužymi88
Kamientary