Navukoŭcy raspracavali technałohiju, jakaja dazvalaje paralizavanym ludziam nabirać tekst na kampjutary siłaj dumki
Čałaviek, paralizavany nižej za šyju ŭ vyniku niaščasnaha vypadku 10 hadoŭ tamu, zmoh napisać niekalki skazaŭ z dapamohaj kampjutarnaj sistemy, jakaja pieradaje na ekran myślennaje ŭjaŭleńnie litar.
Heta pieršy vypadak, kali navukoŭcam udałosia atrymać skazy na asnovie mazhavoj aktyŭnaści, źviazanaj z ujaŭleńniem litar. Takaja technałohija moža značna spraścić kamunikacyju dla paralizavanych ludziej, piša The Guardian.
Pa słovach raspracoŭščykaŭ sa Stenfardskaha ŭniviersiteta, mužčynu ŭdałosia napisać 18 słoŭ za chvilinu siłaj dumki z dakładnaściu bolš za 94%. Mužčynu treba było ŭsiaho tolki ŭjaŭlać, što jon piša hetyja słovy ručkaj na papiery.
Za ŭvieś čas navukoŭcy raspracavali mnostva prahram i pryład, jakija dapamahajuć paralizavanym ludziam kamunikavać. Adnoj z najbolš daskanałych technałohij doŭhi čas była sistema kiravańnia kursoram siłaj dumki, stvoranaja dla Styviena Chokinha. Adnak takaja sistema zajmaje našmat bolš času.
U novaj sistemie vykarystoŭvajucca elektrody i dva nievialikija kampjutarnyja čypy, chirurhična impłantavanyja ŭ levuju častku mozha, dzie niejrony dasyłajuć sihnały dla kiravańnia pravaj rukoj. Navukoŭcy prasili mužčynu ŭjaŭlać, što jon trymaje ručku nad natatnikam i sprabuje napisać asobnyja słovy. Pakul jon sprabavaŭ, navukoŭcy rehistravali aktyŭnaść toj častki mozha, jakaja kantralavała b jaho ruchi.
Zatym hetyja źviestki stali asnovaj dla navučańnia ałharytmu štučnaha intelektu. Praź niekatory čas sistema ŭ realnym časie navučyłasia pieradavać na ekran litary, jakija namahajecca napisać čałaviek u dumkach z dakładnaściu 94,1%. A kali daśledčyki dadali aŭtazamienu, dakładnaść vyrasła da 99%.
-
NASA zapłaciła startapu $30 miljonaŭ, kab uratavać teleskop Swift. Ciapier aparat, jaki dvaccać hadoŭ naziraŭ za hibiellu zorak, sam zharyć u atmaśfiery
-
Hravitacyjnaja madel NASA demanstruje «bulbapadobnuju» formu Ziamli
-
Małako biez karovy: izrailskija navukoŭcy navučyli raśliny vyrablać małočny białok
Kamientary