U ZŠA praviali hienaterapiju dla lačeńnia redkaha zachvorvańnia — upieršyniu paśla śmiarotnaha vypadku 22 hady tamu
Druhaja sproba stała paśpiachovaj.
22 hady tamu była pieršaja sproba hienaterapii dla lačeńnia redkaha zachvorvańnia piečani. Hienaterapija — sukupnaść miedycynskich mietadaŭ, nakiravanych na ŭniasieńnie źmien u hienietyčny aparat samatyčnych kletak čałavieka.
Tady pieršy ekśpierymient skončyŭsia trahična, bo małady čałaviek nie vyžyŭ. Vasiamnaccacihadovy Džesi Hiełsindžer staŭ pieršym čałaviekam, jaki zahinuŭ padčas prymianieńnia hienaterapii. Hety vypadak staŭ chrestamatyjnym prykładam biezadkaznych miedycynskich daśledavańniaŭ i na praciahu doŭhich hadoŭ pieraškadžaŭ namahańniam daktaroŭ lačyć pacyjentaŭ šlacham hienaterapii. Adnak niadaŭniaja sproba vylečyć redkaje zachvorvańnie stała paśpiachovaj, piša The Science.
Deficyt arnityntranskarbamiłazy (ATS) — heta spadčynnaje zachvorvańnie, jakoje vyklikaje vysoki ŭzrovień amijaku ŭ kryvi, što pryvodzić da surjoznych paškodžańniaŭ piečani. Chvaroba zakranaje prykładna adnaho čałavieka z 50 tysiač. Ludzi z hetym zachvorvańniem mohuć vyžyć, tolki kali buduć prytrymlivacca admysłovaj dyjety i prymać leki.
Deficyt ATS staŭ pieršym hienietyčnym zachvorvańniem, dla jakoha prymianili hienaterapiju. Adnak ekśpierymienty spynilisia paśla śmierci vasiamnaccacihadovaha Džesi Hiełsindžera. Jon atrymaŭ injekcyju madyfikavanaha adenavirusa ŭ Piensilvanskim univiersitecie, jaki musiŭ dastavić pravilny hien ATS u kletki piečani. Ale virus vyklikaŭ u maładoha čałavieka mocnuju imunnuju reakcyju i admovu orhanaŭ. Tady ŭsie daśledavańni hiennaj terapii ŭ ZŠA prypynili, a farmaceŭtyčnyja kampanii admovilisia padtrymlivać padobnyja prajekty.
Ciapier łabaratoryja ŭnviersiteta pačała pracavać z bolš biaśpiečnymi adenavirusami. Hetyja varyjanty paspryjali adradžeńniu hiennaj terapii.
Navukoŭcy ŭžyli da 11 čałaviek z deficytam ATS hienaterapiju. Mnohija z udzielnikaŭ u vyniku bolš nie mieli patrebu ŭ dyjetyčnych abmiežavańniach i lekach. Daśledčyki śćviardžajuć, što hienaterapija nie naniesła nijakaj škody pacyjentam i taki mietad pakazaŭ vysokuju efiektyŭnaść.
-
Pad mierkavanym miescam pachavańnia Isusa raskryli 2000‑hadovuju tajamnicu, jakaja supadaje ź biblejskim apisańniem
-
U śviecie jość mieduza, jakaja moža žyć viečna
-
NASA zapłaciła startapu $30 miljonaŭ, kab uratavać teleskop Swift. Ciapier aparat, jaki dvaccać hadoŭ naziraŭ za hibiellu zorak, sam zharyć u atmaśfiery
Čym ciapier zajmajucca dziaŭčaty, jakich letaś nazvali samymi pryhožymi ŭ Biełarusi?9
Čym ciapier zajmajucca dziaŭčaty, jakich letaś nazvali samymi pryhožymi ŭ Biełarusi?
Mistyčnaje koła Vilni: Kalinoŭski byŭ pachavany ź miedaljonam śviatyni, kala jakoj vyras hatyčny pałac doktara z-pad Oršy. Ciapier pareštki Kalinoŭskaha pierapachavali ŭ mahilni taho ž doktara2121
Kamientary