Rekłamnaje ahienctva z rasijskimi suviaziami prapanoŭvała hrošy viadomym błohieram, kab jany raskrytykavali vakcynu Pfizer
Ahienctva Fazze prapanoŭvała hrošy navukoŭcam i błohieram, kab jany skazali, što ad vakcyny Pfizer pamirajuć sotni ludziej.
Jak adznačaje ahienctva, Fazze — heta markietynhavaja płatforma, jakaja złučaje błohieraŭ i rekłamadaŭcaŭ. Kampanija śćviardžaje, što znachodzicca ŭ Łondanie, ale nasamreč jana nie zarehistravanaja pa adznačanym adrasie. Zhodna sa źviestkami z LinkedIn, kiraŭnictva Fazze pachodzić z Maskvy i pracavała ŭ ahienctvie, jakoje zasnavaŭ rasijski pradprymalnik.
Na siońnia zakryła svoj veb-sajt i akaŭnt u Instagram, piša The Guardian.
Na minułym tydni pradstaŭniki ahienctva źviazvalisia z francuzskimi błohierami, jakija aśviatlajuć tema achovy zdaroŭja i navuki, i prasili ich na anhlijskaj patłumačyć, što «ŭzrovień śmiarotnaści siarod vakcynavanych Pfizer utraja vyšejšy, čym siarod vakcynavanych AstraZeneca».
Błohieram prapanavali spasyłki na artykuł u Le Monde, Reddit i na veb-sajt Ethical Hacker, dzie byccam by paćviardžajecca heta infarmacyja.
Artykuł u Le Monde pryśviečany źviestkam, jakija byccam by vykrali rasijskija chakiery ź Jeŭrapiejskaha ahienctva pa lekavych srodkach, a paśla apublikavali ŭ darknecie. Adnak u artykule niama pakazalnikaŭ śmiarotnaści.
Błohieraŭ prasili akcentavać uvahu na tym, što «hałoŭnyja ŚMI ihnarujuć hetu temu, a ŭrady mnohich krain praciahvajuć kuplać vakcynu Pfizer, jakaja niebiaśpiečnaja dla zdaroŭja ludziej».
Taksama byli patrabavańni, kab materyjał byŭ pakazany jak ułasny niezaležny pohlad błohiera, a nie kimści prafinansavany.
Skrynšoty pierapiski z ahienctvam apublikavaŭ Leo Hrase — papularny francuzski videabłohier z 1,2 miljona padpisantaŭ na jutubie.
C'est étrange.
J'ai reçu une proposition de partenariat qui consiste à déglinguer le vaccin Pfizer en vidéo. Budget colossal, client qui veut rester incognito et il faut cacher la sponso.
Éthique/20. Si vous voyez des vidéos là dessus vous saurez que c'est une opé, du coup. pic.twitter.com/sl3ur9QuSu
Hrase adznačyŭ, što ahienctva prapanoŭvała vialiki biudžet, ale admoviłasia nazyvać rekłamadaŭcu.
Francuzskija ŚMI ŭkazali na padabienstva pamiž paviedamleńniami ahienctva i aficyjnym akaŭntam rasijskaj vakcyny, dzie nieadnarazova śćviardžałasia, što viektarnyja vakcyny, jakimi źjaŭlajucca Sputnik V i AstraZeneca, bolš efiektyŭnyja i biaśpiečnyja, čym RNK-vakcyny, da jakich adnosicca Pfizer.
Ciapier čytajuć
Ejsmant: Statkieviča pamiłavali ŭžo paŭhoda nazad, ale tady jon viarnuŭsia ŭ turmu11
Kamientary