Palittechnołah Vital Šklaraŭ pra toje, što nazvaŭ Łukašenku «krutym mužykom»: Ja nie mieŭ prava kazać ad imia nacyi
Pra heta palitechnołah zajaviŭ u intervju Tut.by z nahody vychadu filma Barysa Huca ab pratestach u Biełarusi, pradziusaram jakoha vystupiŭ Vital Šklaraŭ.
U pryvatnaści, jon prakamientavaŭ svaje słovy, kali jon nazvaŭ Łukašenku krutym mužykom. Šklaraŭ niekalki miesiacaŭ pravioŭ za kratami.
«Nie varta sudzić ab emacyjnym i psichałahičnym stanie ludziej, jakija prajšli praz turmu, adrazu i ŭsurjoz paśla vyzvaleńnia. Tym bolš, kali heta nie prosta turma, a SIZA i kamiera režymu Łukašenki. Ja ŭ toj momant pramaŭlaŭ ad siabie, bo tam pabačyŭ mocnaha supiernika (havorka idzie pra sustreču Łukašenki z palitviaźniami ŭ SIZA KDB u kastryčniku), nie treba niedaaceńvać jaho, ale ja nie mieŭ prava pramaŭlać u intervju ad imia nacyi, a heta było ŭspryniata mienavita tak. Mahu skazać, što padčas taho intervju ja znachodziŭsia ŭ peŭnym emacyjnym stanie. I znoŭ heta adčuŭ, kali ŭbačyŭ intervju Ramana Pratasieviča na dziaržaŭnym telekanale. Jon paŭtaryŭ roŭna tyja ž słovy. Mianie navat pierasmyknuła. Ja prosta mahu zaklikać ŭžo nie za siabie, a za Ramana, nie mierkavać pa słovach, a sudzić pa dziejańniach. U situacyi, kali ŭsia nacyja raźbiraje kožnaje tvajo słova … Na niekatoryja takija vykazvańni jość svaje pryčyny. Ja nie mahu ŭsiaho raskazać. Ale mietady, jak vidać, nie mianiajucca. Meta prapahandy — padzialić nas, kab my šukali vorahaŭ siarod adnadumcaŭ. Ja byccam by adsiedzieŭ i vyjšaŭ na svabodu, ja paciarpieŭ, maja siamja paciarpieła, maci pamiraje, ja dzialusia svaimi prablemami, niapravilna farmuluju dumki, mnie dahetul ciažka heta dajecca, niahledziačy na psichaterapiju, a ŭ ludziej takaja reakcyja … I ŭładzie mienavita takaja reakcyja i patrebna. Nas pastajanna svarać. I pakul my nie adzinyja, nas pieramohuć. U našym filmie my i pasprabavali pakazać, jak raptoŭna možna stać vorahami, a heta niapravilna».
Kamientary