Dev.by daviedaŭsia, što kryminalnaja sprava pavodle artykuła ab machlarstvie (č. 4, art. 209 KK) suprać čatyroch supracoŭnikaŭ PandaDoc zakrytaja. Infarmacyju paćvierdzili ŭ kiraŭnictvie kampanii.
U PandaDoc adznačyli, što «pakul nie viedajuć dakładna» ab źniaćci ŭsich abmiežavańniaŭ ź fihurantaŭ spravy.
Kamientar u Śledčym kamitecie atrymać nie ŭdałosia.
2 vieraśnia 2020 hoda ŭ minskim ofisie PandaDoc prajšli pieratrusy. Čatyroch supracoŭnikaŭ kampanii — dyrektara Dźmitryja Rabceviča, mieniedžara Viktara Kuŭšynava, buchhałtara Juliju Šardyka i ejčara Uładzisłava Michałapa — abvinavacili ŭ kradziažy kala 107 tysiač rubloŭ (č. 4, art. 210). Paźniej artykuł źmianili na «machlarstva» (č.4, art. 209).
23 vieraśnia stała viadoma, što kampanija PandaDoc damahłasia źniaćcia aryštu sa svajho rachunku. Dla hetaha kampanija pieraličyła na depazit Śledčaha kamiteta 107 tysiač rubloŭ u ekvivalencie.
11 kastryčnika 2020 hoda dyrektara PandaDoc Dźmitryja Rabceviča vypuścili ź SIZA KDB pad chatni aryšt. Heta adbyłosia na nastupny dzień paśla vizitu ŭ SIZA Alaksandra Łukašenki. Praz dva dni pad chatni aryšt byli pieraviedzienyja Julija Šardyka i Uładzisłaŭ Michałap.
Apošni fihurant spravy — Viktar Kuŭšynaŭ — vyjšaŭ na volu 20 žniŭnia.
-
U škołach i dziciačych sadach dazvolać vykarystoŭvać elektraabahravalniki
-
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii
-
Sajuz palakaŭ u Biełarusi adnaŭlaje mahiłu polskaha hienierała pad Hrodnam FOTAFAKT
Ciapier čytajuć
Minčanka Anhielina, jakaja prasiła ŭ Łukašenki kvateru za trojniu, atrymała žyllo9
Minčanka Anhielina, jakaja prasiła ŭ Łukašenki kvateru za trojniu, atrymała žyllo
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»1111
Kamientary