«Nielha vystaŭlać takija surjoznyja abvinavačvańni za try skazy». Hałoŭny redaktar «Kamsamołki» — pra spravu Hienadzia Mažejki
«Nielha vystaŭlać takija surjoznyja abvinavačvańni za try skazy, jakija žurnalist napisaŭ sa słoŭ surazmoŭcy», — zajaviŭ hałoŭny redaktar rasijskaj haziety «Kamsamolskaja praŭda» Uładzimir Sunhorkin, kamientujučy vystaŭleńnie abvinavačvańnia biełaruskamu žurnalistu Hienadziu Mažejku.
U «KP» niama nijakich inšych varyjantaŭ, akramia jak praź jurystaŭ dakazvać, što heta abvinavačvańnie absurdnaje, zajaviŭ Uładzimir Sunhorkin.
«My budziem vystupać u sudzie, kali heta budzie mahčyma, našy jurysty buduć pracavać, budziem pisać pra heta, rabić usio, što mahčyma».
Jon jašče raz padkreśliŭ, što ŭsie vydatki na advakataŭ vydańnie ŭziało na siabie.
Hałoŭny redaktar taksama ŭpeŭnieny, što ni pa jakich kryterach cyvilizavanaha hramadstva nielha vystaŭlać takija surjoznyja abvinavačvańni za try skazy.
Biełaruskamu žurnalistu Mažejku vystavili abvinavačvańnie pa dvuch artykułach Kryminalnaha kodeksa Biełarusi: art. 130 KK RB (raspalvańnie sacyjalnaj varožaści abo varožaści) i art. 369 KK RB (abraza pradstaŭnika ŭłady).
Sud Partyzanskaha rajona Minska 13 kastryčnika razhledzić skarhu na abrańnie miery strymańnia ŭ vyhladzie zaklučeńnia pad vartu žurnalista «Kamsamolskaj praŭdy ŭ Biełarusi» Hienadzia Mažejki. Pra heta paviedamiŭ TASS. Skarha budzie razhledžana sudom u zakrytym farmacie, rašeńnie budzie ahučana ŭ adkrytym režymie.
Žurnalista zatrymali 1 kastryčnika. Padstavaj da zatrymańnia stała jaho natatka na sajcie kp.by, apublikavanaja viečaram 28 vieraśnia. U joj adnakłaśnica prahramista Andreja Zelcera, jaki zabiŭ supracoŭnika KDB Dźmitryja Fiedasiuka, stanoŭča acharaktaryzavała jaho.
Na nastupny dzień sajt kp.by byŭ zabłakavany.
A jašče praź niekalki dzion było pryniata rašeńnie pra zakryćcio biełaruskaj redakcyi «Kamsamołki».
Fatohraf, zachaplajecca technałohijami i aŭto — kalehi pra zatrymanaha žurnalista «Kamsamołki» Hienadzia Mažejku
Što rasijskija ŚMI pišuć ab zakryćci «Kamsamołki» ŭ Biełarusi
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Ciapier čytajuć
«Stajać na svaim, kožny nakolki moža!». Vialikaja hutarka z Natallaj Dulinaj pra hopnikaŭ z HUBAZiKa, Kaleśnikavu i što tam u kaho ŭ kałonii4
Kamientary