Apieratar Halina Chatčyns zahinuła na zdymkach viesterna «Rast» kala horada Santa-Fe (štat Ńju-Mieksika), u jaje vypadkova streliŭ pradziusar i vykanaŭca hałoŭnaj roli ŭ stužcy — papularny halivudski akcior Alek Bołduin. Ad jaho strełaŭ taksama paciarpieŭ režysior filma Džoeł Soŭza, jaki znachodzicca ŭ krytyčnym stanie, piša Bi-bi-si.
Pradstaŭnik kampanii, jakaja viadzie zdymki filma, paviedamiŭ vydańniu The Hollywood Reporter, što incydent adbyŭsia padčas zdymak sceny, u jakoj Bołduin stralaŭ chałastymi patronami. Zbroja vykarystoŭvałasia na placoŭcy jak pradmiet rekvizitu.
«Jak kažuć śledčyja, padobna na toje, što ŭ scenie, jakaja ŭ hety momant zdymałasia, pavinien byŭ vykarystoŭvacca pistalet, — cytuje Frans Pres paviedamleńnie palicyi. — Detektyvy sprabujuć vyśvietlić, jakim mienavita paražalnym elemientam byŭ zrobleny streł».
Chatčyns, jakoj było 42 hady, adpravili ŭ balnicu na viertalocie, adnak jana pamierła. 48-hadovy Soŭza dastaŭleny ŭ balnicu na mašynie chutkaj dapamohi.
Žurnalist Tesa Mientus apublikavała ŭ svaim «Tvitary» fatahrafii, zroblenyja padčas zdymak. Incydent adbyŭsia na ranča Bananza Kryk niepadalok ad Santa-Fe, dzie časta zdymajucca halivudskija filmy.
#UPDATE: @AlecBaldwln____ spokesperson through @NBCNews updates us on incident at his #Rust movie set in #SantaFe today:
"There was an accident today on the New Mexico set of Rust involving the misfire of a prop gun with blanks." (1/2) https://t.co/dG2Zy9SJ3G
«Bołduin daŭ pakazańni palicejskim, — skazaŭ aficyjny pradstaŭnik šeryfa Santa-Fe ahienctvu Frans-Pres. — Jon zrabiŭ zajavy i adkazaŭ na ich pytańni. Jon pryjšoŭ dobraachvotna i paśla dačy pakazańniaŭ pakinuŭ budynak. Jakija-niebudź abvinavačvańni pa hetaj spravie nie vystaŭlenyja, nichto nie aryštavany».
Hazieta Santa Fe New Mexican apublikavała zdymki vidavočna ŭzrušanaha Bołduina na parkoŭcy adrazu paśla trahiedyi. Vydańnie paviedamlaje, što jaho žurnalist bačyŭ akciora, što toj płakaŭ paśla razmovy z palicyjantami.
Zahinułaja apieratar — z Ukrainy. Jaje baćka słužyŭ na savieckaj vajennaj bazie za Palarnym kruham. Ale jana skončyła Kijeŭski dziaržaŭny ŭniviersitet pa śpiecyjalnaści «mižnarodnaja žurnalistyka», a zatym pracavała nad dakumientalnymi filmami ŭ Vialikabrytanii.
Pierajechała ŭ ZŠA i zrabiła paśpiachovuju karjeru apieratara. U 2019 hodzie jaje nazvali adnoj z ŭzychodziačych zorak amierykanskaha kiniematohrafa.
Jak piša The Hollywood Reporter, Bołduin hulaje ŭ karcinie «Rast» znakamitaha złačyncu Charłanda Rasta. Pa siužecie jaho ŭnuka abvinavačvajuć u vypadkovym zabojstvie i asudžajuć da paviešańnia. Tady Rast adpraŭlajecca ŭ Kanzas, kab vyzvalić jaho z turmy. Dziejańnie viesterna adbyvajecca ŭ XIX stahodździ.
Adnym z samych viadomych vypadkaŭ, kali padčas zdymak sceny z strełami byŭ zabity adzin z členaŭ hrupy, stała hibiel akciora Brendana Li ŭ 1993 hodzie. Pry pracy nad filmam «Krumkač» u jaho vypadkova strelili ź niapravilna zaradžanaha pistaleta.
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku16
Kamientary