EPAM pa zarobkach uvachodzić u top-3 siarod IT-kampanij u Litvie
Pa kolkaści supracoŭnikaŭ samy bujny ofis EPAM Systems, adkryty hod tamu ŭ Vilni, užo apiaredziŭ mnohich «starykoŭ» miascovaha rynku, a siarednija zarobki ŭ biełaruskich pracadaŭcaŭ vyšejšyja, čym u bolšaści hulcoŭ, piša «Zaŭtra tvajoj krainy».
Pavodle dadzienych na lipień 2021 hoda, apublikavanych resursam Rekvizitai.lt, kolkaść supracoŭnikaŭ samaha bujnoha pracadaŭcy ź biełaruskim kapitałam kampanii Epam sistemos, składała 262 čałavieki.
Hetaja kampanija, zasnavalnikam, kiraŭnikom i akcyjanieram jakoj źjaŭlajecca eks-minčuk Arkadź Dobkin, adkryła paŭnavartasny centr raspracoŭki ŭ Vilni tolki ŭ kastryčniku minułaha hoda. Ale ŭžo za hod dačka EPAM Systems zdoleła apiaredzić pa štacie šmatlikija bujnyja IT-kampanii, jakija pracujuć na litoŭskim rynku, u tym liku, dziesiacihodździami.
U ich liku, naprykład, kampanii, jakija ŭvachodziać u top-50 najbujniejšych padatkapłacielščykaŭ Litvy ŭ śfiery infarmacyi i suviazi: Asseco Lietuva (201 supracoŭnik), Tieto Lietuva (121), CGI Lithuania (201), BALTIC AMADEUS (228), INSOFT (177), DXC Technology Baltic (221), Softera Baltic (112), Bentley Systems Europe (234) i EIS Group Lietuva (168). Pa kolkaści supracoŭnikaŭ EPAM Systems užo ŭvachodzić u top-20 najbujniejšych IT-kampanij, jakija pracujuć na litoŭskim rynku.
U cełym u kancy 2020-ha i na praciahu 2021 hoda ofisy i centry raspracoŭki ŭ Litvie adkryli bolš jak dziesiać biełaruskich IT-biznesaŭ. Najbujniejšymi pa štacie ź ich paśla EPAM Systems pa stanie na siaredzinu lipienia hetaha hoda źjaŭlalisia Flo Health LTU (44 supracoŭniki), Coherent Solutions (36), Belka Games LT (19) i Itransition (19).
Asablivaściu, pa mienšaj miery na etapie stanaŭleńnia biźniesu ŭ Litvie, źjaŭlajecca dastatkova vysoki ŭzrovień siarednich zarobkaŭ u biełaruskich IT-kampanij.
Coherent Solutions z pakazčykam 4 606,90 jeŭra ŭ lipieni hetaha hoda ŭvachodziła ŭ lik lidaraŭ siarod litoŭskich pracadaŭcaŭ u hetaj śfiery. Jašče ŭ troch kampanij ź biełaruskim kapitałam (EPAM sistemos, Flo Health LTU i Belka Games LT) siarednija zarobki byli vyšej za 4 tysiačy jeŭra, što, miarkujučy sa źviestak Rekvizitai.lt, sustrakajecca ŭ najvyšejšym ešałonie litoŭskaj IT-śfiery nie tak časta.
Paraŭnalny ŭzrovień siarednich zarobkaŭ u IT-kampanijach u Litvie, top-10
| Kampanija | Siaredni zarobak u lipieni 2021 h. |
| ORACLE EAST CENTRAL EUROPE | 7 653,74 |
| Coherent Solutions | 4 606,90 |
| EPAM sistemos | 4 242,33 |
| EIS Group Lietuva | 4 209,99 |
| IBM LIETUVA | 4 097,56 |
| Bentley Systems Europe B. V. filialas | 4 089, 97 |
| Flo Health LTU | 4 050,09 |
| Belka Games LT | 4 008,68 |
| DevBridge LT | 3 985,72 |
| Itransition | 3 957,64 |
Ciapier čytajuć
Pavieł Vinahradaŭ upieršyniu raskazvaje, jak jaho zakinuli na samaje dno biełaruskaj turmy. Jak heta — kali susiedzi za cyharetu jaduć čužoje haŭno19
Kamientary