Fota siryjskaha ŭciekača ź siniakami na tvary ablacieła internet. Jon śćviardžaje, što jaho źbili biełaruskija vajskoŭcy na miažy
37-hadovy Jusef Atała ź Siryi raskazvaje, jak razam ź inšymi patrapiŭ u pastku miž Polščaj i Biełaruśsiu i dumaŭ, što tak i pamre ŭ lesie, bieź ježy i vady, nie zdolny dychać nosam, jaki jamu złamaŭ biełaruski vajskoviec. Što pieražyŭ jon i inšyja mihranty, jakim udałosia dabracca da łahiera ŭciekačoŭ u Biełastoku, piša Reuters.
Jusef lehalna prylacieŭ z Maskvy ŭ Biełaruś, dalej kantrabandysty ŭ minibusie davieźli jaho da miažy.
«La miažy vajskoŭcy, jakija supravadžali nas, prymusili nas stać na kaleni, voś tak, skłaŭšy ruki za hałavoj, i adzin ź ich nahoj vyciaŭ mianie pa tvary. Ja zhubiŭ prytomnaść na niekalki chvilin. Jon złamaŭ mnie nos, złamaŭ kostku tut (vierchniuju skivicu), maje vočy aciakli».
Inšy ŭciakač, z Afhanistanu, jaki nie zachacieŭ nazyvać svajho imia, dadaje:
«Biełaruskija žaŭniery prymušajuć i sami dapamahajuć mihrantam pierajści miažu».
Ź jaho słoŭ, vajskoŭcy pry hetym spasyłajucca na zahad na dziaržaŭnym uzroŭni. Hety afhaniec, jaki ŭciakaje ad talibaŭ, zhadvaje, jak štonočy biełaruskija vajskoŭcy zabirali 30-40 čałaviek, kab prašturchoŭvać tych praź miažu.
«My kazali im, što chočam viarnucca ŭ Minsk, my nie chočam praciahvać hetaje padarožža, ‒ kaža siryjec Atała. — Jany skazali nam, što nijakaha Minsku dla nas. Prosta idzicie ŭ Polšču».
«Jany praviarajuć miažu, i, kali z taho boku nikoha niama, dajuć ludziam bałtarez i prymušajuć prarazać sabie chod praz aharodžu», ‒ raskazvaje afhaniec.
Jašče adzin siryjski biežaniec dadaje, što časta biełaruskija vajskoŭcy sami robiać dziurki ŭ pamiežnaj aharodžy, zapuskajučy mihrantaŭ u Polšču ci ŭ Litvu.
Niahledziačy na ŭsie pieražytyja pakuty, uciakač z Afhanistana hladzić z aptymizmam u budučyniu, dabraŭšysia da Jeŭrapiejskaha Sajuza.
«Ja adčuvaju siabie bolš u biaśpiecy ciapier. Upeŭnieny, što zmahu zrabić dobruju karjeru tut, a moj syn atrymaje dobruju adukacyju — jaho čakaje biaśpiečnaje žyćcio».
«Voś u mianie jość zvarotny kvitok». Adkul i jak mihranty laciać u Minsk
«Sami padyšli i prapanavali 500 dalaraŭ». Taksisty raskazvajuć, jak padvoziać mihrantaŭ da miažy
Ciapier čytajuć
Chto taki Michaił Miachovič — siłavik, jaki viadzie kanał HUBAZiKa i adkazvaje za prabiŭ ludziej15
Kamientary