«Bajusia, mahu nie datryvać da suda»: źniavoleny vałancior Mironaŭ, što adpraviŭ 2500 listoŭ palitviaźniam, dasłaŭ list adčaju
Illa Mironaŭ, toj samy vałancior z Homiela, što napisaŭ palitviaźniam bolš za 2500 listoŭ, bolš za paŭtara miesiaca znachodzicca za kratami. Jaho zatrymali ŭ ramkach spravy ajcišnika Andreja Zielcera.
Nieviasiołym dopisam u fejsbuku padzialiłasia mama Illi spadarynia Valancina
«Atrymała siońnia ad Illi adrazu try listy, uzradavałasia, ale pračytaŭšy ich….
Ja ŭžo vielmi daŭno nie dazvalaju sabie płakać, ale tut prarvała. Nie budu vykładać źmiest hetych listoŭ, ale heta kryk adčaju.
Jamu ciažka psichałahična, šmat prablem sa zdaroŭjem, navat niejkija ŭkoły jamu robiać, vialikija prablemy z vačyma. U mianie da vas vielizarnaja prośba — nie kryŭdujcie, kali jon vam nie adkazvaje i praciahvajcie pisać
«Pišu tolki tabie, a taksama našamu advakatu.
Bajusia, što da suda ja mahu nie praciahnuć, sprabuju niejak nastrojvacca, ale ŭžo z-za stanu zdaroŭja ni čytać (knih tut šmat), ni tym bolš adkazvać na listy (atrymlivaju pa 7-8 u dzień) [nie mahu],
tamu pieradavaj ŭsim nieabyjakavym ludziam ad mianie pryvitańnie i sardečnyja pažadańni. Spadziajusia, što na ziamli stanie jašče bolš dobrych, sumlennych, nieabyjakavych ludziej, jakija ź jašče vialikimi siłami pačnuć padtrymlivać adzin adnaho i ŭsich, chto maje patrebu ŭ dapamozie.
Ja ŭsich vielmi lublu i sumuju!»
***
Illa Mironaŭ byŭ zatrymany 30 vieraśnia pa «cpravie Zielcera», jaki zabiŭ u vyniku pierastrełki ŭ kvatery na vulicy Jakuboŭskaha ŭ Minsku supracoŭnika KDB Dźmitryja Fiedasiuka. Tady byli zatrymanyja bolš za 100 čałaviek za kamientary ŭ sacsietkach.
Viadoma, što palitviazień prachodzić pa kryminalnaj spravie pa artykułach 369 KK (abraza pradstaŭnika ŭłady) i 130 KK (raspalvańnie sacyjalnaj varožaści). Taksama paviedamlałasia, što Mironava praviarali na finansavańnie ekstremizmu.
Homielskaha vałanciora, jaki adpraviŭ palitviaźniam 2500 listoŭ, praviarajuć na finansavańnie ekstremizmu
Za nadpis na majcy «Pišycie listy» zatrymany hamialčuk Illa Mironaŭ. Jon dasłaŭ palitviaźniam dźvie tysiačy listoŭ
«Płakaŭ, kali sudzili piensijanieraŭ i śviatara». Hutarka z hamielčukom, jaki napisaŭ palitźniavolenym 1200 listoŭ i naviedaŭ kala sotni sudoŭ
Mužčyna z Homiela napisaŭ 1100 listoŭ palitviaźniam — i nie źbirajecca spyniacca
Ciapier čytajuć
Łukašenka abmierkavaŭ z Ryžankovym «kroki pa adnaŭleńni davieru z zachodnimi krainami»13
Kamientary