Za nadpis na majcy «Pišycie listy» zatrymany hamialčuk Illa Mironaŭ. Jon dasłaŭ palitviaźniam dźvie tysiačy listoŭ
Pravaabaroncy paviedamlajuć, što ŭ Homieli znoŭ zatrymany vałancior Illa Mironaŭ. Jon užo byŭ za kratami ŭ lipieni pa kryminalnaj spravie, tady jaho adpuścili pad padpisku ab niavyjeździe. Ciapier jaho zatrymali za nadpis na majcy «Pišitie piśma»: heta paličyli «niesankcyjanavanym pikietavańniem», 18 žniŭnia projdzie sud.
Za apošni hod aktyvist z Homiela Illa Mironaŭ napisaŭ palitźniavolenym bolš za dźvie tysiačy listoŭ. Heta pieršaje, što jon pačaŭ znoŭ rabić, kali vyjšaŭ ź IČU paśla vaśmi sutak. Mironava ŭziali jak padazravanaha pa artykule 289 KK — akt teraryzmu. Mienavita takuju «padziaku» vałancior atrymaŭ ad siłavych struktur za toje, što dapamahaje represavanym biełarusam słovam, praduktami, naviedvaje sudy.
Paśla vyzvaleńnia ŭ intervju «Našaj Nivie» Illa kazaŭ, što i dalej budzie pisać listy palitviaźniam, pakul jany nie vyjduć na svabodu.
Kamientary