Prynamsi 27 mihrantaŭ patanuli, nakiroŭvajučysia da bierahoŭ Vialikabrytanii z Francyi na łodcy praz praliŭ Ła-Manš. Sihnał biedstva padali rybackija sudny, jakija znachodzilisia niepadalok, paviedamlaje Bi-bi-si.
Brytanskija i francuzskija ŭłady, niahledziačy na nadychod nočy, pravodziać apieracyju pa vyratavańni, u jakoj zadziejničany sudny i avijacyja.
Pra trahiedyju paviedamiŭ francuzski ŭrad. Premjer-ministr Žan Kasteks zajaviŭ, što jana stała vynikam złačynnaj kantrabandy ludźmi.
Pa danych Bi-bi-si, imihracyjnyja ŭłady Duŭra dastavili ŭ sieradu na bierah častku mihrantaŭ, jakim udałosia dabracca da Brytanii na maleńkich łodkach. Ahułam sprobu pierasiekčy Ła-Manš u sieradu raspačało kala 25 małych sudoŭ.
Raniej u listapadzie byŭ ustalavany novy rekord, kali za adzin dzień u Brytaniju pa mory prybyło bolš za tysiaču mihrantaŭ.
Ła-Manš ličycca samym ažyŭlenym marskim maršrutam u śviecie, i na im časta hinuć ludzi, jakija na svoj strach i ryzyku puskajucca ŭ płavańnie na nadzimanych łodkach. Tolki za apošnija tydni, nie ličačy siońniašniaha vypadku, u pralivie zahinuła prynamsi 10 čałaviek.
Ciapier čytajuć
Žonka adhavorvała padpałkoŭnika DFR brać chabary, a toj kazaŭ «atrymaju pałkoŭnika — i na piensiju»: pieršaja piensija pryjšła ŭžo na aryštancki rachunak5
Žonka adhavorvała padpałkoŭnika DFR brać chabary, a toj kazaŭ «atrymaju pałkoŭnika — i na piensiju»: pieršaja piensija pryjšła ŭžo na aryštancki rachunak
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary