Marazy da —20 i mocnyja śniehapady. Jakim budzie nadvorje na nastupnym tydni
Sinoptyk Dźmitryj Rabaŭ u efiry telekanała ANT raskazaŭ, jakim budzie nadvorje ŭ krainie na nastupnym tydni, z 5 pa 11 studzienia. Pa jaho słovach, sapraŭdnaja zimovaja pahoda paśla śviataŭ zachavajecca na praciahu ŭsiaho tydnia.
Biełarusaŭ čakajuć bahatyja śniehapady, maroz, paryvisty viecier i zaviei, jakija miescami pahoršać bačnaść da 1—3 kiłamietraŭ. U cełym u pieršaj dekadzie studzienia tempieratura pavietra budzie nižejšaj za klimatyčnuju normu na 2—3 hradusy. Da nastupnych vychadnych vyšynia śniehavoha pokryva ŭ siarednim składzie kala 20 sm na zachadzie krainy i da 40 sm na paŭnočnym uschodzie.
U paniadziełak, 5 studzienia, nadvorje budzie vyznačacca ŭpłyvam antycykłonu. Miescami projduć karotkačasovyja śniehapady, mahčymyja prajaśnieńni. Čakajecca słaby hałalod, umierany paŭnočna-zachodni i zachodni viecier. Unačy tempieratura panizicca da —6…—12 hradusaŭ, a na paŭnočnym uschodzie — da —17. Dniom budzie kala —3…—7, u aŭtorak, 6 studzienia, stanie jašče chaładniej — prykładna —4…—8.
Na pravasłaŭnyja Kalady taksama čakajucca marazy. Praz krainu projdzie aktyŭny paŭdniovy cykłon, jaki pryniasie mocnyja śniehapady. Na darohach mahčymyja śniežnyja zanosy i hałalod, viecier budzie paryvisty, uschodni i paŭnočna-ŭschodni. Unačy — kala —5…—10, udzień — —4…—7.
U druhoj pałovie tydnia nadvorje zastaniecca niespryjalnym: śnieh pojdzie amal pa ŭsioj Biełarusi, z-za vahańniaŭ tempieratury mahčymyja tuman i hałalod. Načnyja marazy dasiahnuć —7…—15, udzień u čaćvier, 8 studzienia, budzie kala —8, a ŭ piatnicu, 9 studzienia, — ad —8 da —15.
U vychadnyja, 10 i 11 studzienia, nadvorje buduć vyznačać atmaśfiernyja franty z zachadu. Prahnazujucca nievialikija śniehapady, adnak marazy ŭzmocniacca: unačy ŭ subotu — —6…—12, na paŭnočnym uschodzie da —20. Dniom u subotu budzie —3…—7, u niadzielu — kala —5 hradusaŭ.
Ciapier čytajuć
U vice-śpikierki Kaardynacyjnaj rady Lizaviety Prakopčyk sabrałasia $12 tysiač daŭhoŭ34
Kamientary