U Rečycy inśpiektary Dziaržaŭnaj aŭtamabilnaj inśpiekcyi aštrafavali piać čałaviek za toje, što pry čystcy śniehu jany dapuścili parušeńnie.
Jak paviedamlaje DAI, žychary Rečycy prybirali śnieh kala svaich pryvatnych damoŭ i ŭ dvarach, pry hetym kidali jaho na prajeznuju častku. Inśpiektary nazvali takoje dziejańnie niebiaśpiečnym i spasłalisia na artykuł 22.10 Kodeksa ab administracyjnych pravaparušeńniach.
Pavodle pieršaj častki hetaha artykuła, zahruvaščvańnie vulic, płoščaŭ, dvaroŭ i inšych ziamiel ahulnaha karystańnia budaŭničymi materyjałami ci inšymi pradmietami karajecca štrafam da piaci bazavych vieličyń (225 rubloŭ).
Druhaja častka artykuła praduhledžvaje štraf da 25 bazavych vieličyń (1125 rubloŭ) za nievykanańnie abaviazkaŭ pa ŭborcy i ŭtrymańni ŭčastkaŭ, u tym liku prylehłych da ŭłasnych ziamielnych učastkaŭ.
Takim čynam, biełarusam varta pamiatać: śnieh treba prybirać, kab nie trapić pad druhuju častku artykuła, ale rabić heta pravilna, kab nie parušać pieršuju častku.
Z 2025 hoda aŭtamabilisty taksama abaviazanyja prybirać śnieh ź miescaŭ dla stajanki ŭ radyusie mietra vakoł svaich mašyn. Kidać śnieh na prajeznuju častku zabaroniena — lepš vykarystoŭvać hazony abo inšyja niekanfliktnyja zony.
Ciapier čytajuć
Žonka adhavorvała padpałkoŭnika DFR brać chabary, a toj kazaŭ «atrymaju pałkoŭnika — i na piensiju»: pieršaja piensija pryjšła ŭžo na aryštancki rachunak6
Žonka adhavorvała padpałkoŭnika DFR brać chabary, a toj kazaŭ «atrymaju pałkoŭnika — i na piensiju»: pieršaja piensija pryjšła ŭžo na aryštancki rachunak
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary
Nie prybraŭ śnieh - častka pieršaja
prybraŭ na darohu - častka druhaja
prybraŭ ad darohi - častka treciaja.