ZŠA hatovyja pakinuć uładu paplečnikam Madura, bo «bolšaść apazicyi nie znachodzicca ŭ Vieniesuele»
Dziaržsakratar ZŠA i daradca pa nacyjanalnaj biaśpiecy Marka Rubia ŭ intervju NBC News zajaviŭ, što bolšaja častka vieniesuelskaj apazicyi ciapier znachodzicca za miežami krainy, tamu nie moža ŭpłyvać na padziei ŭ joj.
Pa słovach Marka Rubia, isnujuć nieadkładnyja prablemy, jakija treba terminova vyrašać, i ZŠA čakajuć bolš strohaha vykanańnia damoŭlenaściaŭ i supracoŭnictva.
Ciapier, adznačyŭ dziaržsakratar ZŠA, za vajskovyja i palicejskija struktury ŭ Vieniesuele adkazvajuć inšyja ludzi, i mienavita im daviadziecca vyznačyć dalejšy šlach krainy. ZŠA spadziajucca, što hety šlach budzie adroźnivacca ad kursu, abranaha Madura.
Rubia padkreśliŭ, što ŭsie asnoŭnyja prablemy ŭ adnosinach ź Vieniesuełaj, jakija ŭźnikli pry ŭładzie Madura, dahetul zastajucca niavyrašanymi. Amierykanski bok hatovy dać mahčymaść vieniesuelskim uładam razabracca z hetymi vyklikami, adnak pakul hetaha nie adbudziecca, kraina budzie i nadalej znachodzicca pad naftavaj błakadaj i ciskam z boku ZŠA.
Jon taksama zajaviŭ, što Złučanyja Štaty praciahnuć pieraśled narkakartelaŭ, kanfiskacyju sudnaŭ, jakija znachodziacca pad sankcyjami, i inšyja miery ŭździejańnia da taho času, pakul klučavyja pytańni nie buduć vyrašanyja.
Pavodle słoŭ Rubia, ZŠA nie majuć patreby ŭ vieniesuelskaj nafcie, bo vałodajuć dastatkovymi ŭłasnymi resursami. Adnak Vašynhton nie dapuścić, kab naftavaja pramysłovaść Vieniesueły apynułasia pad kantrolem krain, jakija ličacca praciŭnikami ZŠA, takich jak Kitaj, Rasija ci Iran.
Jon padkreśliŭ, što Vieniesuełu nielha pieratvarać u apieracyjnuju bazu dla Irana, Rasii, «Chiezbały», Kitaja abo kubinskich śpiecsłužbaŭ, a taksama nielha dapuścić, kab najbujniejšyja ŭ śviecie zapasy nafty kantralavalisia vorahami ZŠA.
U kancy Rubia adznačyŭ, što havorka nie idzie pra vajnu suprać Vieniesueły: ZŠA, pa jaho słovach, zmahajucca z narkatrafikam, a nie ź vieniesuelskaj dziaržavaj.
Tramp choča zdabyvać naftu ŭ Vieniesuele. Nakolki heta realna i kamu jana dastaniecca?
Samalot z Madura i jaho žonkaj pryziamliŭsia ŭ Ńju-Jorku. Madura viali ź miecham na hałavie
Vice-prezidentka Vieniesueły: Jość tolki adzin prezident, i jaho imia Nikałas Madura
Nobieleŭskaja łaŭreatka Maryja Karyna Mačada: My hatovyja ŭziać uładu ŭ Vieniesuele
Što budzie ŭ Vieniesuele dalej? Try scenaryi
U Łahojsku piekar admaŭlajecca pradavać svoj chleb pakupnikam, u jakich jość sabaki84
Kamientary
Łuka nie prosta tak najbolš upłyvovych apanientaŭ za miažu vykidvaje, Statkievič heta dobra razumieje.