Tramp zajaviŭ, što nie vieryć u ataku Ukrainy na rezidencyju Pucina
Prezident ZŠA zajaviŭ, što nie vieryć u toje, što, jak śćviardžaje Rasija, ukrainski bok nanios udar pa rezidencyi kiraŭnika RF Uładzimira Pucina 29 śniežnia. Pra heta Tramp skazaŭ na borcie samalota Air Force One, piša Reuters.
«Ja nie vieru, što taki ŭdar mieŭ miesca. Niešta adbyłosia pablizu, ale jano nie mieła da hetaha nijakaha dačynieńnia».
Nahadajem: u paniadziełak, 29 śniežnia, Pucin padčas telefonnaj razmovy paskardziŭsia Trampu, što ŭkrainskija drony nibyta atakavali jaho rezidencyju ŭ Naŭharodskaj vobłaści.
Paźniej padčas razmovy z žurnalistami Tramp pryznaŭ, što ataki mahło i nie być. «Vy kažacie, što ataki nie było — heta mahčyma, ale prezident Pucin skazaŭ mnie siońnia ranicaj, što jana była», — zajaviŭ Tramp.
Ahienctva nacyjanalnaj biaśpieki ZŠA pryjšło da vysnovy, što Ukraina nie sprabavała atakavać rezidencyju rasijskaha kiraŭnika Uładzimira Pucina, abvierhnuŭšy śćviardžeńni Maskvy pra nibyta sprobu zamachu na jaho.
Kamientary