«Najlepšyja vyniki za apošnija 12 hadoŭ». Namieśnik kiraŭnika administracyi prezidenta Krutoj raskazaŭ ab ekanomicy va ŭmovach sankcyj
Raźvićcio ekanomiki Biełarusi navat va ŭmovach pandemii i sankcyj pakazvaje najlepšyja vyniki za apošnija 12 hadoŭ. Pra heta ŭ intervju BT zajaviŭ namieśnik kiraŭnika administracyi prezidenta Dźmitryj Krutoj.
«Sapraŭdy, heta dva hałoŭnyja faktary, jakija ŭpłyvajuć na naš ekanamičny rost. Kali hladzieć u cełym pa ŭsich pakazčykach — i kolkasnych, i jakasnych, — to ja b skazaŭ, što heta najlepšyja vyniki za apošnija 12 hadoŭ. VUP vyras pa biahučych danych na 2,4%. Naturalna, asnoŭnym drajvieram, jak i na praciahu ŭsiaho hoda, zastavałasia pramysłovaść. Prykładna 70% hetaha pryrostu zabiaśpiečvaŭ mienavita pramysłovy kompleks. Na druhim miescy pa ŭkładzie IT-siektar. Astatnija haliny raźmierkavalisia bolš raŭnamierna», — skazaŭ Dźmitryj Kruty.
Pavodle jaho słoŭ, ekspart vyras na 32%, i heta taksama adzin z rekordnych pakazčykaŭ u historyi Biełarusi. «Pryčym jon vyras zbałansavana: na 19% za košt cen i na 12-13% za košt abjomaŭ. Heta ŭ tym liku vynik madernizacyi našaj pramysłovaści, jakuju my pačali pravodzić u 2012-2014 hadach (heta aktyŭnaja faza)», — zaŭvažyŭ čynoŭnik.
«Sami chutka zdochnuć». Foty z samita ŭ Minsku dajuć pabačyć Pucina i Łukašenku biez hrymu, a taksama Kolu10
«Sami chutka zdochnuć». Foty z samita ŭ Minsku dajuć pabačyć Pucina i Łukašenku biez hrymu, a taksama Kolu
«Svoj nos ź Biełastoka jany nie vysoŭvajuć». Biełarusy Padlašša skardziacca, što biełarusy novaj chvali emihracyi nie zacikaŭlenyja supolnymi spravami4747
Kamientary