Dvoje biehiemotaŭ ź bielhijskaha zaaparku padchapili kavid. Ich źmiaścili na karancin
Dvuch biehiemotaŭ ź bielhijskaha zaaparka źmiaścili na karancin paśla taho, jak ich testy na karanavirus akazalisia stanoŭčymi.
Nieviadoma, jak 14-hadovaja biehiemocicha Imani i 41-hadovy Hiermijon padchapili virus. Adnak rabotniki antvierpienskaha zaaparka śćviardžajuć, što žyvioły pačuvajucca dobra, u ich tolki nasmark, paviedamlaje Bi-bi-si.
U zaaparku buduć dziejničać uzmocnienyja karancinnyja abmiežavańni, pakul biehiemoty nie ačuniajuć, heta značyć, pakul ich testy na karanavirus nie buduć admoŭnymi.
Biehiemoty zaŭsiody majuć vilhotnyja nasy, adnak vieterynary ŭ antvierpienskim zaaparku vyrašyli pratestavać žyvioł, kali zaŭvažyli ŭ ich abodvuch nasmark.
U vyniku aharodžu z žyviołami apiačatali. A rabotnikaŭ, jakija ich dahladajuć (ich testy na kavid byli admoŭnymi), abaviazali nadziavać maski i akulary, a taksama dezinfikavać svoj abutak pierad lubym kantaktam ź biehiemotami.
«Nakolki mnie viadoma, heta pieršaje zarehistravanaje zaražeńnie žyvieł hetaha vidu, — skazaŭ Frensis Vierkamien, vieterynar zaaparka. — Va ŭsim śviecie virus u asnoŭnym nazirali ŭ małpaŭ i katoŭ».
Na minułym tydni karanavirus taksama vyjavili ŭ troch dzikich aleniaŭ z Kanady, što taksama stała pieršym takim vypadkam u krainie.
Adnak žyviołam niačasta pravodziać testy, tamu nichto dakładna nie viedaje, nakolki raspaŭsiudžany karanavirus u dzikaj pryrodzie.
-
Na paŭdniovakarejskim telebačańni pažartavali pra mahčymy šlub Mikałaja Łukašenki i dački Kim Čen Yna
-
U Brazilii 37‑hadovaja žančyna vydavała siabie za 12‑hadovuju i traplała ŭ pryjomnyja siemji, dzie žyła za čužy košt
-
Biełarusy admovilisia ad zajčykaŭ, a brytanski funt źbirajecca pierajści na ich vyjavy
Muzyka Cim Suładze: Roźnica 30 hadoŭ — toje, što adpaviadaje maim ujaŭleńniam pra adnosiny41
Kamientary