U Biełarusi novych prezydenckich vybaraŭ pad mižnarodnym nazirańniem nie budzie. Pra heta zajaviŭ Alaksandr Łukašenka, vystupajučy ŭ sieradu na sustrečy z aktyvam Viciebskaj vobłaści, paviedamiŭ telekanał STB.
Łukašenka zajaviŭ, što paśla taho, jak pravieści kalarovuju revalucyju letaś nie atrymałasia, stali vykarystoŭvać inšyja ryčahi cisku na Biełaruś.
— Ja vas zaŭsiody papiaredžvaŭ i ščyra kazaŭ: my nie viedajem, jaki novy ryčah jany buduć vykarystoŭvać dla cisku na nas. Ale toje, što jany razharnuli suprać nas hibrydnuju vajnu, — heta fakt. ŚMI, dypłamatyčny cisk, palityčny cisk z patrabavańniem nieadkładna pravieści novyja vybary, vypuściŭšy tak zvanych palitviaźniaŭ hetych (jany ŭ ich i nie palitviaźni). Ale nie my vybary pavinny pravodzić, jany pryjeduć, praviaduć pad ehidaj ABSIE. Vy takija cudy dzie-niebudź bačyli? Kab u jakuju-niebudź krainu čužyncy pryjechali i praviali vybary! Jany ŭ našu cyvilnuju krainu pryjeduć pravodzić vybary. Voś ich patrabavańnie. Naturalna, ja na heta pajści nie mahu, — zajaviŭ Łukašenka.
Jon dadaŭ, što niadaŭna dumaŭ nakont novych vybaraŭ, ale potym pieradumaŭ, pakolki, pa jaho słovach, u hramadstvie mohuć adbycca novyja chvalavańni.
Ciapier čytajuć
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy82
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi44
Kamientary