Markaŭ zadumaŭsia pra stvareńnie dziciačaha telekanała, ale jość pytańni
Ministr infarmacyi Marat Markaŭ raskazaŭ, što ŭ Biełarusi siońnia zarehistravanyja i viaščajuć 18 telekanałaŭ, jakija aryjentavanyja na dziciačuju aŭdytoryju. 17 ź ich — rasijskija, a biełaruskaha niama nivodnaha. I heta, maŭlaŭ, vielmi kiepska.
«U suviazi z hetym «za» źjaŭleńnie takoha kanała — razumieńnie prostaha faktu, što vychoŭvać svaich dziaciej, na svaich kaštoŭnaściach i marali my abaviazanyja sami, a telebačańnie — heta adzin ź instrumientaŭ takoha vychavańnia», — zajaviŭ Marat Markaŭ.
Kažučy pra ŭłasny dziciačy telekanał u Biełarusi, Markaŭ zadaŭsia adrazu niekalkimi pytańniami. Ci dastatkova ŭ krainie ŭłasnaha tak zvanaha dziciačaha kantentu z usimi archivami «Biełaruśfilma»? Chto mienavita budzie vyrablać padobny kantent na pastajannaj asnovie, kab zapoŭnić 16‑18 hadzin efiru? Akramia taho: ci pavinien telekanał być dziaržaŭnym i jaki pracent dziaciej jaho budzie hladzieć?
Ministr zajaviŭ, što nie treba stroić iluzij, što kanał akažacca pryvabnym dla rekłamadaŭcaŭ. Jon dadaŭ, što heta vyklučna sacyjalny i vielmi darahi prajekt. Razam z tym Marat Markaŭ padkreśliŭ, što nazvanyja pytańni pačali prapracoŭvać.
Ministerstva infarmacyi padpisała pahadnieńnie z BPC. Buduć razam zmahacca sa źniešnimi ŭpłyvami na duchoŭnaść
Ministr infarmacyi Markaŭ choča pastrožyć rehulavańnie rekłamy
Ministr Markaŭ zajaviŭ, što da 2020 hoda jany ciarpieli niezaležnyja miedyja, a ciapier nadzvyčaj patrebna cenzura
Markaŭ zajaviŭ, što aŭdytoryja dziaržaŭnych ŚMI ŭ internecie vyrasła kałasalna
«Lena 20 rubloŭ» uziałasia za staroje: znakamitaja machlarka znoŭ razvodzić davierlivych biełarusaŭ3
Kamientary
Pro rośsijskije dietskije tielekanały s anhłojazyčnymi nazvanijami v našich kabielnych sietiach... Markov chotia by raz ŝiołkach na nich? Oni žie rassčitany na diemobilizaciju našich dietiej. V mojom dietstvie ničieho podobnoho nie było. Vsie sovietskije multiki byli so smysłom i dažie diśniejevskije nie takimi tupymi.