Na vyzvalenych i departavanych palitviaźniaŭ sabrali 111 tysiač jeŭra — jak ich raźmiarkujuć?
Kali 11 vieraśnia ŭ Litvu vyvieźli 51 palitviaźnia, «Bajsoł» abviaściŭ ekstranny zbor dapamohi dla ich. U vyniku sabrali bolš za 111 tysiač jeŭra. Mnohija mierkavali, što sumu padzielać paroŭnu na ŭsich i razdaduć. Ale miechanizm akazaŭsia inšy.
Źmicier Jahoraŭ, pradstaŭnik fondu «Bajsoł», raskazaŭ «Našaj Nivie», što vyzvalenyja palitviaźni ŭžo atrymali pieršuju hrašovuju dapamohu. Havorka pra tysiaču jeŭra na čałavieka, jakija vypłočvajucca sa srodkaŭ Mižnarodnaha humanitarnaha fondu, a nie z sabranych 111 tysiač jeŭra. Hetyja hrošy pieradali 31 byłomu palitviaźniu — stolki vyviezienych źviarnulisia pa tuju sumu (z 51 čałavieka, jakich vyvieźli za miažu, 14 byli zamiežnymi hramadzianami).
Što da hrošaj sa zboru, to voś jakim čynam jany buduć raźmierkavanyja:
«My abvieścili zbor na 50 tysiač jeŭra, a sabrali 111 tysiač — dziakuj usim, chto dałučyŭsia. Rašeńniem fondu 50 tysiač buduć pryznačanyja na toje, kab dapamahčy ludziam z hrupy palitźniavolenych, vyzvalenaj 11 vieraśnia. Rešta hrošaj pojduć na toje, kab dapamahčy ludziam, jakija, jak my spadziajomsia, buduć vyzvalenyja padobnym čynam.
Heta nietypovaje vyzvaleńnie, kali vialikuju kolkaść ludziej vyvoziać u inšuju krainu biez dakumientaŭ i biez usialakaj majomaści. Hetym ludziam patrebnaja ekstrannaja dapamoha».
Častka z tych 50 tysiač pajšła na vydatki, jakija źjavilisia ŭžo ŭ dzień vyzvaleńnia palitviaźniaŭ:
«Jość adnosna nievialikija vydatki, źviazanyja ź lehalizacyjaj ludziej — byli chutka patrebnyja hrošy na konsulskija zbory, kab ludzi atrymali vizy, i roznyja strachoŭki. Taksama ŭ nas jość kantakt z bolš čym 30 asobami, vyzvalenymi tady, i my ŭžo prapanoŭvajem im padacca na hrašovuju dapamohu. Heta buduć hrašovyja pieraliki ciaham troch miesiacaŭ».
Sumu pieralikaŭ, kaža Źmicier, pakul składana vyznačyć — usio budzie zaležyć ad taho, kolki ludziej zachoča atrymlivać hetuju dapamohu. «Bajsoł» źbirajecca padzialić pamiž hetymi ludźmi tyja 50 tysiač jeŭra za vylikam hrošaj, vydatkavanych na lehalizacyju.
Kab atrymać hetuju dapamohu, vyzvalenym, jakich 11 vieraśnia departavali ŭ Litvu, treba napisać u telehram-akaŭnt @bysol_pzk. Taksama byłyja palitviaźni mohuć źviarnucca ŭ fond, kab adkryć asabisty zbor.
«Naša Niva» — bastyjon biełaruščyny
PADTRYMAĆ«Bajsoł» pačaŭ rabić pieršyja vypłaty niadaŭna vyzvalenym palitviaźniam
Piačnik i baćka šaściarych dziaciej adsiedzieŭ u kałonii za ŭdzieł u pratestach. Jon prosić dapamohi, kab adkryć svaju spravu
«Dzie hrošy, Franak?» Viačorka tłumačyć sistemu mižnarodnaj dapamohi hramadzianskaj supolnaści i kudy iduć 30 młn ad ES
Kamientary
Počiemu niet podrobnoj finansovoj dietalizacii i otčieta za dieńhi ?
A žurnalisty ticho mołčat v triapočku nie zadavaja nieudobnych voprosov.