Hramadzianie Biełarusi jość siarod paciarpiełych pry atacy USU na Krym
Jak piša TASS, padčas ukrainskaj ataki na Krym paciarpieli biełarusy. Ich kolkaść i stan pakul nie nazyvajucca.
Pavodle TASS, heta byli turysty, što znachodzilisia na bierahavoj linii ŭ momant abstrełu.
«Va ŭsich paciarpiełych askiepkavyja ranieńni. Jany znachodzilisia na bierahavoj linii Farosa ŭ momant ataki. Heta i našy miascovyja žychary, i hości pasiołka, jość taksama hramadzianie Respubliki Biełaruś. Usiu noč z paciarpiełymi i ich blizkimi pracavaŭ psichołah, akazvajučy nieabchodnuju maralnuju padtrymku ŭ hety niaprosty čas», — havorycca ŭ paviedamleńni kiraŭnika administracyi Jałty Janiny Paŭlenki.
Inšych padrabiaznaściaŭ niama.
Rasijski kiraŭnik akupavanaha Kryma Siarhiej Aksionaŭ nočču zajaviŭ pra hibiel 3 i ranieńni 16 čałaviek u rajonie Farosa.
Ukraincy paviedamlali, što bieśpiłotniki źniščyli restaran u elitnym krymskim sanatoryi «Faros», jaki ŭčory byŭ zakryty na śpiecabsłuhoŭvańnie, bo tam mahli być «važnyja hości».
Taksama HUR Ukrainy siońnia zajaviŭ pra źniščeńnie dvuch samalotaŭ-amfibij i viertalota, supravadziŭšy heta videa.
Kamientary