Italjanski student zapatentavaŭ maski, jakija mianiajuć koler, kali ich bolš nielha nasić
19-hadovy student Vijareł Bahocič z pravincyi Ankona na poŭnačy Italii stvaryŭ achoŭnuju masku, jakaja źmianiaje koler u toj momant, kali pierastaje filtravać pavietra i jaje treba mianiać. Svajo vynachodnictva jon užo zapatentavaŭ, a 18 lutaha prezientuje na suśvietnaj vystavie Expo ŭ Dubai, paviedamlajuć italjanskija ŚMI.
Hety prajekt byŭ stvorany paśla taho, jak chłopiec pračytaŭ, što, pavodle apytańnia, 72% italjancaŭ vykarystoŭvajuć masku tak doŭha, što jana stanovicca prosta nieefiektyŭnaj, kab stać barjeram dla virusa. A ŭ asnovie jaho vynachodnictva lažyć technałohija, jakaja vyznačaje prydatnaść praduktaŭ z vykarystańniem bijachimičnaj reakcyi.
Vijareł Bahocič spadziajecca, što jaho patent moža być vykarystany dla vytvorčaści ŭ pieršuju čarhu chirurhičnych masak: tady toj, chto staić pobač, ubačyć, što maska inšaha čałavieka bolš nie filtruje pavietra, i zmoža dystancyjavacca.
Hetaja ž technałohija pryznačana dla vykarystańnia ŭ reśpiratarach kłasa ffp2 — mienavita hety srodak abarony abaviazkovy ciapier u lubych zakrytych pamiaškańniach i ŭ transparcie ŭ Italii.
Italjanskija ŚMI paviedamlajuć, što chłopiec pieršy hod vyvučaje elektronnuju inžynieryju ŭ Politechničnym univiersitecie Turyna, a ideja inavacyjnaj maski naradziłasia letaś, kali jon jašče vučyŭsia ŭ kaledžy imia Halileja ŭ horadzie Jezi. U Italii chłopiec žyvie z dvuch hadoŭ, jaho siamja pierajechała tudy z Rumynii.
Sam małady vynachodnik pryznaŭsia, što nie čakaŭ takoha pośpiechu. Jon užo naładžvaje kantakty ź niekalkimi vytvorcami masak z roznych kutkoŭ Italii.
Ciapier čytajuć
«Ciapier mnie čužaja sama kancepcyja ŭžyć niešta, čaho ty nie viedaješ». Vialikaja hutarka ź Ivanam Šyłam pra biznes, zarablańnie z dapamohaj ŠI, žančyn i botaks18
Kamientary