Budaŭnictva budzie vieścisia kruhłasutačna, piša «Radyjo Racyja» sa spasyłkaj na AAT «Mastabud». Ale «kab zrabić čarciož, treba pahladzieć, u jakim stanie isnujučaja kanstrukcyja apory», adznačyli ŭ Mastabudzie, i tut mohuć być niuansy.
«Kab zrabić čarciož, treba pahladzieć, u jakim stanie isnujučaja kanstrukcyja apory, i tut mohuć być niuansy», — adznačajuć na pradpryjemstvie i dadajuć, što pry idealnych umovach adnavić puciepravod na Niamizie mohuć za try miesiacy, chacia kiraŭnik Minska Kucharaŭ paabiacaŭ adnavić most za miesiac.
Piešachodnaja častka mosta nad vulicaj Niamiha ŭ centry stalicy abrušyłasia ŭ noč na 8 studzienia. Pa viersii haradskich uładaŭ, heta adbyłosia z-za stomlenaści kanstrukcyj, vyklikanaj pracaj mietro i pierapadami tempieratur.
Ruch pa moście i pad mostam u ciapierašni čas zakryty. Było pryniataje rašeńnie demantavać častku puciepravoda. Ciapier jaje raźbirajuć.
Most byŭ pabudavany ŭ 1962 hodzie. Jaho dvojčy ramantavali ŭ 2004 i 2017 hadach.
Pavodle padlikaŭ niezaležnych ekśpiertaŭ, u Biełarusi jość jak minimum 22 avaryjnyja masty. U tym liku Novy most u Hrodnie, na Bieraściejščynie — masty la vioski Brody i kala ahraharadka Klejniki na M1.
Što viadoma pra most na Niamizie, jaki abrynuŭsia
SK raspačaŭ kryminalnuju spravu pa fakcie abrušeńnia mosta ŭ Minsku
Ciapier čytajuć
Raman Pratasievič asvoiŭ prafiesiju barmiena i adšukaŭ pracu. Voś u jakim bary možna jaho znajści9
Kamientary