Taćcianu Kanieŭskuju pieraviali z kałonii ŭ «krytuju» turmu. Ale admovilisia skazać advakatu, kudy mienavita
Taćcianu Kanieŭskuju pieraviali z kałonii ŭ «krytuju» turmu. Čamu tak zdaryłasia, nieviadoma. Dzie mienavita znachodzicca palitźniavolenaja, administracyja kałonii advakatu skazać admoviłasia.
Syny 55-hadovaj palitźniavolenaj z Homiela paviedamili, što pieravod maci byŭ dla ich «niečakanym i niezrazumiełym».
Kanieŭskaja adbyvała pakarańnie — 6 hadoŭ pazbaŭleńnia voli — u homielskaj žanočaj kałonii № 4 za ŭdzieł u masavych pratestach. Administracyja kałonii admoviłasia paviedamić advakatu, kudy mienavita pieraviali jaje padabaronnuju.
U Biełarusi dla žančyn heta moža być turma ŭ Žodzinie, Mahilovie ci Hrodnie. Tam źniavolenyja nie majuć mahčymaści vychodzić na pracu, utrymlivajucca ŭ kamierach, majuć abmiežavańni na listy, spatkańni i pieradačy. Takija zachady prymianiajuć da «parušalnikaŭ praviłaŭ unutranaha ŭtrymańnia» kałonij. Viadoma, što ŭ listapadzie Taćcianu Kanieŭskuju na 20 dzion źmiaščali ŭ štrafny izalatar.
Taćciana Kanieŭskaja — adna ź lidarak kampanii «Maci 328», jakaja zmahałasia suprać praciahłych terminaŭ dla zatrymanych pavodle narkatyčnych artykułaŭ Kryminalnaha kodeksa, aktyvistka BCHD.
U 2020 hodzie Taćciana Kanieŭskaja była davieranaj asobaj Śviatłany Cichanoŭskaj na prezidenckich vybarach. 8 žniŭnia 2020 hoda, za dzień da asnoŭnaha hałasavańnia, jaje zatrymali. U Kanieŭskaj — čatyry syny. Uviesnu minułaha hoda adnaho ź ich, Źmitra, źniavolili na 3 hady za niehatyŭny kamientaryj na adras milicyi ŭ telehram-kanale. U listapadzie-śniežni 2021 hoda jaje syn Alaksiej adsiadzieŭ 30 sutak za toje, što źjaviŭsia ŭ sudzie, dzie byŭ śviedkam, u mascy z nadpisam «Sumlennyja ludzi». Sud paličyŭ heta pikietam.
Łukašenka pieraabuŭsia: Pozna ŭviečary Minsk pahruzili ŭ ciemru. Navošta? Ja ž ad vas hetaha nie patrabavaŭ20
Kamientary