U Litvie zatrymali biełarusa, jaki znachodziŭsia ŭ vyšuku praź Interpał
Litoŭskija pamiežniki dniami zatrymali hramadzianina Biełarusi, jaki znachodziŭsia ŭ mižnarodnym vyšuku pa inicyjatyvie Danii. Pra heta 17 lutaha paviedamiła Słužba achovy dziaržaŭnaj miažy Litvy.
Incydent adbyŭsia ŭ punkcie propusku «Miedniki» (ź biełaruskaha boku — «Kamienny Łoh»). Ranicaj 15 lutaha 31‑hadovaha biełarusa źniali z aŭtobusa, jaki jechaŭ ź Minska ŭ Koŭna. Padčas pravierki vyśvietliłasia, što prykładna miesiac tamu dackaja palicyja abviaściła jaho ŭ mižnarodny vyšuk praź Interpał.
Mienš čym praz hadzinu paśla zatrymańnia mužčynu pieradali supracoŭnikam palicyi, jakija prybyli ź Vilni. Jaho dastavili ŭ staličny izalatar.
Pavodle źviestak litoŭskaj słužby, za pieršyja siem tydniaŭ 2026 hoda pamiežniki zatrymali 73 čałavieki, jakich šukali pravaachoŭnyja orhany Litvy i inšych krain za roznyja złačynstvy abo pravaparušeńni. Siarod ich bolšaść — hramadzianie Litvy (58 čałaviek). Taksama byli zatrymanyja hramadzianie Rasii (6), Łatvii (3), Biełarusi (2), a taksama Irłandyi, Vialikabrytanii, Małdovy i Ukrainy — pa adnym čałavieku.
U 2025 hodzie litoŭskija pamiežniki zatrymali 11 biełarusaŭ, što znachodzilisia ŭ vyšuku, a ŭ 2024 hodzie — 6.
Pad Smalavičami sa stralaninaj zatrymali troch małaletak-zamiežnikaŭ, jakija na zamovu napali na dom piensijanieraŭ
Kubrakoŭ sustreŭsia z prezidentam Interpała i abmierkavaŭ «mižnarodnaje supracoŭnictva»
Biełarus raptoŭna i biez daj pryčyny źnik u 2006 hodzie, a praz 19 hadoŭ znajšoŭsia ŭ vioscy pad Smalenskam
«Lena 20 rubloŭ» uziałasia za staroje: znakamitaja machlarka znoŭ razvodzić davierlivych biełarusaŭ3
Kamientary