Łukašenka pieraabuŭsia: Pozna ŭviečary Minsk pahruzili ŭ ciemru. Navošta? Ja ž ad vas hetaha nie patrabavaŭ
Padčas spravazdačy ŭrada za 2025 hod Alaksandr Łukašenka znoŭ zakranuŭ temu vuličnaha aśviatleńnia i raskazaŭ, što jahonuju palityku ŭ hetym pytańni raskrytykavaŭ navat małodšy syn Mikałaj.
3 lutaha Łukašenka vykazaŭ niezadavolenaść tym, jak uklučajecca i vyklučajecca śviatło na vulicach. Jon zapatrabavaŭ, kab aśviatleńnie pracavała z 20:00 da 8:30, choć zimoj sonca zachodzić raniej, a ŭzychodzić paźniej. Ale kali na nastupny viečar heta realizavali, u sacsietkach uźnikła chvala krytyki, paśla čaho Łukašenka byŭ vymušany adstupić.
Ciapier jon raskazaŭ, što siarod krytykaŭ jahonaj pazicyi byŭ i małodšy syn Kola:
«Padśviacili, skazaŭ — raźbiaryciesia. Jany ŭziali śviatło vyklučyli. Pozna ŭviečary Minsk pahruzili ŭ ciemru. Navošta? Ja ž ad vas hetaha nie patrabavaŭ. Dzie ž pryhoža? I ŭsio heta na prezidenta, na prezidenta abrynułasia. Ja ŭžo prychodžu dadomu, mały ŭklučaje heta. Nu navošta tabie heta, kaža. Heta što, treba było? Nu voś Ukraina kaža, voś Biełaruś. Dźvie dzirki, kaža, u śviecie. Ciemra».
U toj ža čas jaho aburaje, kali kažuć, što jon nibyta «zdaŭ nazad»:
«Jany ž ipsavali: «A, hety daŭ kamandu, voś bačycie». A potym, hladzicie, frajeram jany mianie abazvali — «adstupiŭ». Dy ja i nie nastupaŭ i nie adstupaŭ. Nu dyk da jakoj pary heta budzie praciahvacca?»
Vice-premjer Mikałaj Snapkoŭ zapeŭniŭ Łukašenku, što padnačalenyja starajucca, choć toj ad ich starańnia vyniku nie bačyć.
«Na 15 chvilin vyklučyli śviatło — boža moj, z Ukrainaj paraŭnali». Łukašenka patłumačyŭ, kolki ekanomić na vuličnym aśviatleńni
Piać pryčyn — u tym liku adna fantastyčnaja, — pa jakich biełarusam adklučyli śviatło ŭ haradach
«Baćka pravilna zrabiŭ, ciapier bolš praviednaści», «Foty vyrvanyja z kantekstu». Jak prapahanda apraŭdvaje adklučeńnie śviatła na vulicach
«Saładucha vykłaŭ sełfi z centra stalicy»: biełarusy žartujuć pra błekaŭt pa zahadzie Łukašenki
Minenierha pra situacyju z aśviatleńniem: Usio budzie rehulavacca ŭ zaležnaści ad miascovaści
«Ja tolki nie razumieju, dla kaho pabudavali AES?» Daŭno nijakaja tema nie vyklikała takich emocyj, jak adklučeńnie śviatła na zahad Łukašenki
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary
[Zredahavana]