U milicyju źviarnułasia žycharka vioski Siamionavičy: jana zajaviła, što sužyciel pahražaje joj zabojstvam.
Kali milicyja pryjechali na miesca, karcina akazałasia zusim inšaj, piša miascovaje vydańnie zorkanews.by.
Napiaredadni viečaram para piła. Pamiž imi adbyŭsia kanflikt, paśla čaho mužčyna syšoŭ z domu. Zastaŭšysia adna, žančyna zamknułasia ŭnutry i paśla apoŭnačy patelefanavała ŭ milicyju, zajaviŭšy, što źbirajecca padpalić dom i siabie.
Supracoŭnikam milicyi daviałosia dziejničać chutka: jany raźbili akno, pranikli ŭnutr. U pakoi ŭžo hareła kanapa, na kuchni ŭsio było ŭ dymie — u duchoŭcy hazavaj plity, uklučanaj na poŭnuju, lažaŭ ručnik.
Samoj žančyny ŭ chacie nie akazałasia — jana vyjšła na vulicu. Paźniej jana patłumačyła svaje dziejańni ałkaholnym apjanieńniem i emacyjnym stresam, vyklikanym prablemami na pracy i strataj dziaciej.
«Pierapiła», — patłumačyła žančyna.
Pavodle jaje, pryčyniać škodu sabie ci inšym jana nie źbirałasia.
Padčas pravierki pahrozy z boku sužyciela nie paćvierdzilisia. Žančynu pryciahnuli da administracyjnaj adkaznaści za iłžyvaje paviedamleńnie.
Abodva ŭdzielniki incydentu taksama pakaranyja za źjaŭleńnie ŭ hramadskim miescy ŭ stanie ałkaholnaha apjanieńnia.
Kamientary
https://zorkanews.by/
https://mlyn.by/17022026/zhenshhina-posle-ssory-pytalas-podzhech-sebya-i-dom-v-uzdenskom-rajone/
https://zorkanews.by/16022026/v-uzdenskom-rajone-zhenshhina-pytalas-podzhech-sebya-i-dom/
Voś tak. Na biudžetnyja srodki t.z. "Minskaja pravda", ustaviŭšy dla maskiroŭki "i" i "ŭ" u dva ruskich słovy, skrystaŭšysia paraj biełaruskich słoŭ "młyn" i "zorka" dla rehistracyi sajtaŭ, abmaskalvaje pareštki karennaha nasielnictva Biełarusi.
Welcome back to the USSR!