U Biełarusi pačała dziejničać štohadovaja zabarona na źniščeńnie ptušynych hniozdaŭ. Pra heta paviedamili ŭ Minskim haradskim kamitecie pryrodnych resursaŭ i achovy navakolnaha asiarodździa.
Z 16 lutaha pa 14 žniŭnia nielha razburać hniozdy ptušak, a taksama zrazać drevy, na jakich jany znachodziacca. Hetyja miery ŭvodziacca dla taho, kab nie tryvožyć ptušak u pieryjad hniezdavańnia i nie źniščać ptušaniat razam z hniozdami.
Zabarona raspaŭsiudžvajecca na ŭsich — jak na zvyčajnych hramadzian, tak i na supracoŭnikaŭ kamunalnych słužbaŭ. Navat kali ptuški ličacca škodnymi, paharšajuć sanitarny stan nasielenych punktaŭ abo stvarajuć niazručnaści dla ludziej, čapać ich hniozdy ŭ hety čas usio adno nielha.
Za parušeńnie praduhledžanyja značnyja štrafy: dla fizičnych asob — ad 10 da 30 bazavych vieličyń, dla indyvidualnych pradprymalnikaŭ — ad 10 da 100, a dla jurydyčnych asob — ad 20 da 500 bazavych vieličyń. Akramia taho, parušalnikam daviadziecca kampiensavać škodu, naniesienuju navakolnamu asiarodździu.
Druhi vajskoviec, jaki zahinuŭ pry avaryi MAZa pad Asipovičami — 21‑hadovy tenisist ź Viciebska1
Kamientary