Eks-bankir, eks-palitviazień, były ŭdzielnik prezidenckaj kampanii 2020 hoda Viktar Babaryka padzialiŭsia svaim bačańniem budučyni krainy i tym, čym płanuje «zajmacca ŭ čas, što zastaŭsia» jamu. Jon padkreśliŭ, što vystupaje nie jak palityk, a jak mieniedžar. Svajoj hałoŭnaj zadačaj jon bačyć stvareńnie «nierasijskaj» Biełarusi, jakaja stanie elemientam biaśpieki Jeŭropy. Pryvodzim jaho tekst.
Heta nie budzie detalovaja «darožnaja karta» maich krokaŭ — ja pasprabuju sfarmulavać metu i abaznačyć mahčymaści jaje dasiahnieńnia. Bolš za toje, ja nie stanu pisać vialiki tekst, a tolki paznaču startavuju kropku, ź jakoj vyjdu «ŭ ludzi»
Adrazu chaču ŭdakładnić: heta nie palityčnaja zajava i nie rašeńnie «zastavacca» ŭ palitycy.
Ja — mieniedžar. I kali ja niešta sapraŭdy ŭmieju, dyk heta prapanoŭvać bačańnie budučyni, strukturavać i farmiravać šlachi ruchu da pastaŭlenaj mety, aceńvać i znachodzić nieabchodnyja resursy dla jaje dasiahnieńnia (ludziej, kamandy, instrumientaryj i h.d.), arhanizoŭvać pracu, kantralavać chod vykanańnia, unosić patrebnyja karekciroŭki i spravazdačycca pierad tymi, chto daŭ mnie mahčymaść spryjać dasiahnieńniu ŭzhodnienych metaŭ.
Tamu budu vykładać paśladoŭna.
Meta
«Nierasijskaja» (niezaležnaja), biaźjadziernaja, demakratyčnaja Biełaruś — nieabchodny elemient biaśpieki Jeŭropy.
Patłumaču kožnaje słova.
«Nierasijskaja» — amal poŭnaja zaležnaść Biełarusi ad syravinnych resursaŭ Rasii, a taksama sankcyi z boku raźvitych krain za saŭdzieł u ahresii suprać Ukrainy pryviali da taho, što naša pradukcyja pradajecca pieravažna na rynkach «uschodniaha brata». Heta istotna abmiažoŭvaje naš suvierenitet i mahčymaść žyć tak, jak chočam my, a nie tak, jak vyhadna kamuści inšamu.
«Biaźjadziernaja» — vyklučeńnie z Kanstytucyi artykułaŭ pra biaźjadzierny status i niejtralitet krainy faktyčna pryviało da taho, što na nas paviesili «pojas šachida» ŭ vyhladzie «Arešnika», pult kiravańnia ad jakoha znachodzicca ŭ Maskvie. Akramia taho, Biełaruś zrabili voraham dla našych susiedziaŭ i ŭsioj Jeŭropy. U vyniku nas usprymajuć jak pahrozu, a nie jak družalubnuju nacyju, što zusim nie spryjaje roskvitu i palapšeńniu jakaści žyćcia kožnaha čałavieka.
«Demakratyčnaja» — heta kraina, u jakoj jość mahčymaść vybirać šlach raźvićcia praz farmavańnie ahulnaha bačańnia ŭsimi hramadzianami, a nie tolki tymi, chto ličyć, što my jašče «nie daraśli» da takoha vybaru i što tolki jany viedajuć, što patrebna hetamu «narodcu». My pavinny pabudavać krainu, u jakoj narod farmuluje zapyty da ŭłady dziela dabrabytu ludziej, a nie ŭłada zahadvaje, što i jak nam rabić dziela zachavańnia samoj siabie.
Ci možna «źjeści hetaha słana adrazu i całkam»?
U adroźnieńnie ad 2020 hoda, kali my byli vielmi blizkija da pačatku hetaha pracesu i mieli vyrazna ŭśviadomleny čas i instrumienty, siońnia situacyja vyhladaje značna horš. Ale ja nie liču jaje bieznadziejnaj.
Mienavita tamu ja zajmaŭsia i budu zajmacca pabudovaj takoj krainy — niezaležna ad śfiery, u jakoj maje namahańni buduć najbolš zapatrabavanyja.
Kamientary
Z usimi tymi ž metami, tolki ū išych farmulioūkach, vystupajuc`, ulasna, usie, chto pchniecca na niejkaje lidarstva, jak sila (nazaviem heta tak), alternatyūnaja isnujučamu ū Bielarusi režymu.
Tut u Babaryki ūžo nie ekspromt biez padrychtoūki, nie blic(!), jaki adčyniaje sapraūdnyja dumki, a zakrytasc, pradumanasc i adaptacyja da sučasnych abstavinaū. I, jak bačym, supadzienniaū pamiž pieršym i druhim, nie adznačajecca. Pytannie prynaliežnasci Kryma zvilista abminajecca...
A heta ž važna, bo jak jon zbirajecca rabic svoj "management" biez viedaū heahrafii i palityčnaj karty Eūropy ?? :))
Mahčymaść žyć pa-ludzku, Vicia, abmiažoŭvajecca vyklučna hubiernskimi hłuzdami bolšaści nasielnictva, u jakich panuje russkij mir i prynižajecca svajo. I patrapleńnie hetkich mientalnych invalidaŭ va ŭsie vidy zaležnaści (dzie ekanamičnaja nie na pieršym miescy) - heta tolki zakanamierny vynik.