«Stan vajennaj eskałacyi stanovicca normaj dla režymu». Cichanoŭskaja — pra mahčymy ŭdzieł Biełarusi ŭ vajennym kanflikcie
Śviatłana Cichanoŭskaja prakamientavała mahčymy ŭdzieł aficyjnaha Minska ŭ rasijska-ŭkrainskim kanflikcie.
«Demakratyčnyja siły kateharyčna suprać udziełu Biełarusi ŭ vajennym kanflikcie na čyim-kolviek baku. Heta supiarečyć imknieńniu da niejtralitetu, zakładzienamu ŭ siońniašniaj Kanstytucyi, jakaja jašče nie admienienaja.
My z tryvohaj adznačajem, što stan vajennaj eskałacyi stanovicca normaj dla režymu.
Łukašenka nie zdolny vyrašać ekanamičnyja prablemy, tamu šukaje vorahaŭ i adkładvaje reformy. Heta paharšaje i biez taho niaprostaje stanovišča hramadzian Biełarusi. My zaklikajem pačać vyrašać unutranyja prablemy krainy, a nie ŭmiešvacca ŭ čužyja kanflikty», — zaznačaje Śviatłana Cichanoŭskaja.
«My vystupajem kateharyčna suprać uciahvańnia Biełarusi ŭ hibrydny kanflikt, jaki raźviazvajecca ciapier suprać Ukrainy.
Režym zaprašaje rasijskija vojski na terytoryju Biełarusi ŭ pieryjad palityčnaha abvastreńnia, što ŭžo źjaŭlajecca niesiabroŭskim krokam u dačynieńni da Ukrainy. Vobraz Biełarusi, jak mirnaj i siabroŭskaj krainy, razburany kančatkova.
Rehularnaje źjaŭleńnie na terytoryi Biełarusi zamiežnych vojskaŭ niasie pahrozu niezaležnaści krainy i pavyšaje napružanaść u rehijonie. Heta nie adpaviadaje nacyjanalnym intaresam Biełarusi», — padkreślivaje demakratyčny lidar.
«Miežy i terytaryjalnaja cełasnaść dziaržaŭ pavinny być niedatykalnyja. My asudžajem lubyja sproby zamachaŭ na čužuju terytoryju. My zaklikajem vyrašać usie kanflikty šlacham dyjałohu biez pahroz prymianieńnia siły abo demanstracyi vajennych padrychtovak», — reziumavała Śviatłana Cichanoŭskaja
«I ja nahadaju, što Alaksandr Łukašenka, što paciarpieŭ paražeńnie na minułych prezidenckich vybarach, nie maje prava zajmać pasadu prezidenta, pradstaŭlać dziaržavu va ŭnutranaj i źniešniaj palitycy, u tym liku abjaŭlać i pravodzić vajennyja vučeńni», — dadała jana.
Čaho choča Rasija i jakim budzie vialikaje ŭvarvańnie RF va Ukrainu. Apublikavanyja scenary
Lebiadok: Hałoŭnaja asablivaść vučeńniaŭ — u surjoznym naroščvańni rasijskich sił SPA
Ciapier čytajuć
U Biełarusi zaćvierdzili praviły evakuacyi kaštoŭnaściaŭ na vypadak vajny: cehłu z Bresckaj krepaści z nadpisami buduć ratavać pierš za karciny Šahała i Sucina1414
Kamientary